全城熱爆的娛樂八封新聞 & 時事趣聞 & 生活 + 趣聞
已經 53歲嘅秋生，今次做個回塘大佬，不過同人爭女又爭鋪，結果俾人隊咗刀！
全知言除咗佩服班「佔中」學生外，仲覺得「佔中」為我哋提供好多笑料，好似最近王晶喺微博，話因為覺得黃秋生、何韻詩同杜汶澤撐學生，而要 delete佢哋電話，幾鬼小學雞。
王晶雖然開戲多，不過唔係個個靠佢開飯嘅，好似秋生新作《大茶飯》就上畫，片中秋生做一個過氣江湖大佬，雖然退隱咗，但為幫阿 Sa保護茶餐廳而同其他古惑仔對抗，片中仲要同阿 Sa談情。講真以秋生演技，邊使驚王晶 unfriend完冇工開呀，晶哥你諗多咗
王晶先喺微博發功，之後秋生禮貌回覆，感覺秋生真係高幾班囉！
其實秋生做得阿 Sa老豆有餘，但戲入面就講阿 Sa傾慕秋生。
迫到埋牆，秋生無辦法都要出返嚟打打殺殺，呢啲成手血嘅場面，秋生演慣
又南飾演秋生手下，本來鍾意阿 Sa，但見阿 Sa鍾意大佬而甘心退讓，不過結局係點？自己入場睇
