[FACE - 387] 博攞獎 爾冬陞欽點 素顏 Stephy谷盡 40吋巨肚 Stephy,鄧麗欣,MF,

Stephy素顏拍攝，開工前， Stephy已做足功課，摸腰摸肚動作做足，個假肚仲做得好逼真，爾冬陛應該好滿意。

真面目

博攞獎　爾冬陞欽點　素顏 Stephy谷盡 40吋巨肚

回流香港， 31歲鄧麗欣 Stephy即泊大碼頭簽番黃柏高，仲得爾冬陞欽點做新戲《藍天白雲》女主角。今次 Stephy都算大犧牲，素顏上陣兼扮大肚婆都冇有怕，十幾磅假肚搞到腰酸背痛，不過 Stephy就享受多過難受，「一直好欣賞爾冬陞導演，得到佢賞識已經好開心！」爾冬陞捧過袁詠儀、張柏芝做影后， Stephy呢鋪博盡啦。

簽番恩師黃柏高 Paco旗下， Stephy主力影壇大展拳腳，過往拍過唔少電影的 Stephy，今時今日片酬亦有番咁上下，雖然新戲《藍天白雲》只有 500萬資金，未算大製作，據知導演張經緯（曾執導《音樂人生》）事前問過身邊嘅導演界好友，此片監製爾冬陞力薦 Stephy，而 Stephy見面傾完劇本後，覺得劇本吸引就一口答應演出。

Stephy拍過唔少戲， Kyle就以新人身份拍電影做男一，走位講對白都有 Stephy帶住，開日第一日都好順利。

裝假肚搞到腰酸背痛，但 Stephy開工時依然跳跳紮，同綠葉演員黃樹棠七咀八舌傾到手舞足蹈。

每場戲張經緯導演都落場同 Stephy夾戲，仲大讚 Stephy孕婦 look好逼真。

「小方都鍾意小朋友」

今年簽約太陽娛樂後， Stephy再歌影發展，出新歌又有大把劇本。

新片《藍天白雲》由擅長拍攝記錄片的張經緯執導，監製又係爾冬陞，雖然小本經營，但希望以寫實故事取勝， Stephy說：「一直好欣賞爾冬陞導演，得到佢賞識已經好開心！睇完劇本覺得故事好好，對於獎項一向都係平常心，順其自然。」

新片中， Stephy要素顏裝成 40吋肚扮大肚婆，同顏卓靈師弟 Kyle（李任燊）飾演夫妻。雖然只是裝假肚，但 Stephy都好享受，不時手摸摸，記者追問她幾時同小方結婚生仔， Stephy說︰「佢好似都鍾意小朋友，大家未為呢方面打算過，總之要發生嘅時候就會發生，(幾時生呀？)生到之前我就會生，哈哈！」 31歲啫，大把機會生呀！

《 FACE》校草上位做男一

《第二屆 FACE UStar大專校花校草大選》冠軍李任燊 Kyle，當選後即成廣告寵兒，更先後拍攝兩套微電影，做港台青春劇《 DIY2K》主角。今年正式入行做顏卓靈師弟，即有機會拍攝《藍天白雲》做男一。 Kyle說︰「經過幾輪 casting之後得到呢個機會，真係好多謝導演，雖然我冇見過監製(爾冬陞)，但我有 e-mail我嘅作品畀佢，佢可能都有睇過我演出。」

雀巢雪糕、大快活和 7-Eleven電視廣告後， Kyle今年再接拍維他港式奶茶廣告。

當選《 FACE》校草之後， Kyle工作不斷，今年簽約 M&M經理人公司，做顏卓靈師弟。

鍾意就快D Share啦！

下一篇 》