2014年11月13日 星期四

[壹週刊 - 1288] 41歲孫佳君雙眼驚現瘀痕 孫佳君,M1,




年屆四十一歲的孫佳君,在眼部注射 Sculptra,打針後雙眼出現一大撻瘀痕。

探熱針

41歲孫佳君雙眼驚現瘀痕

同富貴男友劉貴喬分手後,孫佳君母兼父職,復出拍戲搵錢獨力照顧一對兒子。為留住索樣,曾公開承認有幫襯醫學美容的她,上星期現身銅鑼灣,但雙眼四周圍驚見深黑瘀痕,非常嚇人。

「回春」有代價,四十一歲孫佳君,愛靚唔愛命。

眼瘀流淚

上週三(十一月五日)黃昏六點,運動服襯 cap帽一身青春打扮的孫佳君,走入銅鑼灣百德新街專賣平價韓國化妝品的É tude house,在粉底、碎粉專櫃尋寶,不停試。原本戴住黑超的她,突然攞出紙巾,除低黑超抹眼淚,露出一對瘀青熊貓眼。

擔心俾人發現,抹乾眼淚後,孫佳君九秒九戴回黑超,然後再轉睇其他產品,其間又再一次極速除下眼鏡,檢視瘀痕。

孫佳君全程帶住黑超遮瘀,在睇化妝品期間,突然除下眼鏡三秒。

睇睇吓化妝品,孫佳君突然拎出紙巾抹眼淚。

已育有兩子的孫佳君仍然 keep得住苗條身材。

激活骨膠原

由於雙眼無明顯紅腫,估計深黑瘀痕,與注射近年在醫學美容界極為流行的 Sculptra有關。

「睇番張相,應該係醫生手勢唔夠好,搞到對眼咁瘀,一般打完 Sculptra,一星期可以去腫去瘀,但睇佢呢個情況,起碼要三星期先可以復元。」熟悉醫學美容的人士說。

平均打一次 Sculptra,要過萬元起跳,但論美觀與持久性,卻更勝透明質酸。

「打透明質酸,要圍住雙眼打好多針,針窿多比較容易被發現;打 Sculptra只需要用一支長針打入去,激活皮膚底層骨膠原,安全性比較高,出面市價一般萬零蚊一針,視乎分量而定。因為有緊緻眼部細紋、減退眼袋、去黑眼圈效用;透明質酸一般維持半年至九個月,但 Sculptra可以 keep到兩年,所以而家好多人都轉打呢款針。」

曾自稱「胸大過頭」的孫佳君,一二年正式復出加盟「英皇電影」,以一身 deep V性感晚裝現身周年晚會。

同富商劉貴喬拍拖八年,○九年男方疑在住所毆打孫佳君,分手後孫佳君獨力照顧兩名兒子。

經過多次「執靚」,孫佳君的樣貌已經初出道時相差甚遠。

在影圈多年,孫佳君仍未有代表作,最令人印象深刻反而是與羅兆輝的情史。

衰過以前

貪靚無止境,近年不論男女都愛加入回春行列,但萬一醫生經驗唔夠,分分鐘整容變毀容。

楊秀惠

一向 pizza面、豬膽鼻的楊秀惠, 09年的起心肝變靚,可惜打 Botox失敗,搞到鴛鴦面,下巴歪埋一邊。

莊思敏

整容整上癮的莊思敏,除了割雙眼皮、接受下巴脂肪溶解療程外, 10年更動刀隆胸,由 A cup變 C cup,被網民勁寸後天加工 34C「硬膠波」。

陳展鵬

去年 12月,陳展鵬到美容院做白老鼠,打造雙眼皮、鷹鼻、僭建蘋果肌,因為打上癮,卒之愈打愈重手,搞到面部腫晒。



鍾意就快D Share啦!
Related Posts Plugin for WordPress, Blogger...