掃呢頁CODE去手機

2014年11月20日 星期四

[壹週刊 - 1289] 頂唔順公主病 爛滾戴尚安飛甩謝婷婷 戴尚安,謝婷婷,婷婷,M1,




探熱針

頂唔順公主病 爛滾戴尚安飛甩謝婷婷

同謝婷婷分手後,安志杰( Andy)一直未有着落,直至今年初,與「警鐘胸」 Jessica C.合作殭屍片《屍城》時秘密撻着,日前被拍到當街攬嘴,安志杰順勢公開戀情。

前度高調晒恩愛,而原本同富二代男友 Sean愛得火熱,屢傳婚訊的謝婷婷,拍拖一年唔夠,男友日前突然單方面宣布分手,令謝婷婷豪門新抱之路止步。

高調掟煲

三十二歲的謝婷婷,自從搭上社交名媛李桂蘭之子戴尚安( Sean)不久,已視對方為結婚對象。要保住筍盤,謝婷婷索性人釘人,極速發展至同居關係,加上父母撥行大葵扇,一度傳出二人將於今年聖誕閃婚。

上週二(十一月十一日),謝婷婷出席公開活動,提到被狗仔咬傷手時,仍一副冧樣,「 Sean好擔心我!」又表示男友經常送花,愛到如膠似漆;點知話口未完, Sean突然高調宣布同謝婷婷玩完。

本週一(十七日), Sean在社交網站 Instagram上載一段佛經,並以英文寫道:「 There have been a lot of rumours flying around over the weekend. Normally I keep personal matters private but in this case it's better to clarify the situation that Jennifer and I split last week.(這一星期謠言滿天,本來希望將私人事低調處理,但呢個情況我認為需要交代清楚,我已跟 Jennifer(謝婷婷)在上週分手。」

本週一, Sean突然在 Instagram單方面宣布與婷婷分手。

公主病的婷婷對 Sean的父母態度惡劣,是分手的導火線。左為 Sean的母親、名媛李桂蘭。

同安志杰拍拖時,謝婷婷經常孖住男友「情侶檔」接 job搵錢。

獨自去偷歡

富二代出身,同婷婷拍拖後, Sean始終搣唔甩爛玩性格,經常瞞住婷婷外出夜蒲。紙包唔住火,據知婷婷每次發現男友講大話,都會大發雷霆,更試過當眾喝罵,令對方非常冇癮。唔俾面另一半,加上婷婷天生公主病,對待男家父母態度惡劣, Sean忍無可忍,決定斬纜,狠飛謝婷婷。

「 Sean好爛玩,鍾意蒲喜歡劈,但婷婷唔鍾意,佢試過帶埋女友出去同啲 friend social, Sean飲大兩杯同啲女仔攬頭攬頸,婷婷就呷醋,當場發爛渣嘈晒;之後 Sean索性瞞住佢出去玩,兩個因為咁嘈過好多次,加上婷婷好惡頂,有人見過佢同 Sean父母喺 China Club食飯,婷婷黑晒面,問佢食乜又唔應,好冇禮貌,唔分手先出奇」身邊人透露。

月前 Sean趁婷婷到澳門工作,約會洋妞,斷正後即與女方分頭閃。

被安志杰私有化, Jessica C日後未必再有機會半裸大膽演出。

安志杰因拍攝《屍城》同 Jessica C撻着,日前二人更被拍得當街又攬又錫。

有傳謝賢及狄波拉認定 Sean是未來女婿,撥行大葵扇催婚。



鍾意就快D Share啦!