熱爆娛樂: [壹週刊 - 1289] 趕上岸　成功催婚　 22歲王敏奕急做曾志偉新抱志偉,王敏奕,曾志偉,M1,

2014年11月20日星期四

[壹週刊 - 1289] 趕上岸　成功催婚　 22歲王敏奕急做曾志偉新抱志偉,王敏奕,曾志偉,M1,

二十二歲的王敏奕獲曾志偉御准入屋，做曾家準新抱。

探熱針

趕上岸　成功催婚　 22歲王敏奕急做曾志偉新抱

王敏奕（ Venus）去年「馴服」曾志偉兒子曾國祥（ Derek）後，二人拍拖唔夠半年，女方已進駐男友位於九龍塘的寓所同居；心急上岸，只有 22歲，已經以做「曾家新抱」為己任的 Venus，近月更成功逼到曾國祥開出期票，承諾一年內向她求婚。

求婚期票

曾國祥以往身邊女伴多，但卻無一得老豆曾志偉滿意，唯獨王敏奕例外，氹得掂「未來老爺」，成功入屋。曾自揭家窮住公屋，誓要脫貧的她雖然只得二十二歲，大把世界，但她卻急於嫁人；和曾國祥拍拖不到一年，已開始向男友逼婚。

「 Derek（曾國祥）同 Venus派晒定心丸，答應出年同佢求婚， Venus好開心，周圍同啲朋友講話自己好快會結婚，又話結婚後會再搬大啲，而家要開始搵樓。」身邊人透露。

男友開出期票，但王敏奕仍不鬆懈，明知曾國祥受異性歡迎，於是做「貼身膏藥」，全天候人釘人。

被女友 mark到實一實，曾國祥雖然有怨言，仍逆來順受。

拍拖後， Venus出入揸住曾志偉持有的坐駕，又入住曾國祥位於九龍塘的寓所。

男友找數

「其實 Derek唔諗住咁快公開，但開始冇耐 Venus就同晒啲 friend講，想唔揚都唔得啦。 Venus本來就黐身，佢冇乜嗜好，朋友亦唔多，總之個男朋友一冇嘢做就要陪佢， Derek都有呻話冇晒私人空間，不過願打願捱， Derek又真係好冧 Venus，仲話今次唔係玩，認真喎！」知情者說。

得未來老爺歡心，男友又千依百順，王敏奕雖然未夠鐘做曾家新抱，但衣食住行，一樣被照顧得妥妥當當。早前「新抱仔」拖住「未來老公」到銅鑼灣 shopping，在 Edison開的時裝店買了大袋戰利品，曾國祥碌卡找數。

隔幾日，曾國祥約了卓韻芝在大坑見面傾公事，未幾，已見到王敏奕揸住「未來老爺」曾志偉名下的寶馬現身。

二人之後轉到麵檔開餐，食完上車前先扯煙，其間曾國祥又「肚餓」，攬住就錫，王敏奕照單全收，還挨落對方膊頭，非常好反應。