[壹週刊 - 1289] 黎諾懿擺喜酒 鄭伊健帶頭煲煙 伊健,黎諾懿,鄭伊健,M1,

鄭伊健吹雞嗌煲煙，兄弟一呼百應，包括同樣係兄弟團嘅鄧健泓。

同你吟一吟

黎諾懿擺喜酒　鄭伊健帶頭煲煙

上個禮拜二（十一月十一日）黎諾懿响陽明山莊擺酒娶富貴老婆李潔瑩，正式成為「 5億女婿」。老友做老襯，同新郎哥相識多年，老婆蒙嘉慧都係經對方介紹嘅鄭伊健，當然有份做兄弟，更由朝踩到晚，散席仲要陪新郎新娘出門口送客。望望個錶，已經夜晚十一點半，人客走到差不多，鄭伊健唔理咁多，嗌埋班兄弟集體扯番支「事後煙」。

早排 Yumiko婚禮，黃家強、側田响室內婚禮場地食煙俾人唱，鄭伊健唔想落人話柄，去到露天地方先點煙。兄弟一呼百應，包括盛傳同女友石詠莉好事近嘅鄧健泓、仲有剛剛做咗新郎哥嘅小龍陳國坤，一齊煲。

同樣係煙民，跟新郎哥一齊拍《愛．回家》嘅莊思明，一個人自吸自吹，冇得一齊 gathering！

好多都係隨手將煙頭丟落地，鄭伊健最好手尾，走去搵垃圾筒。

鄭伊健一支夠晒數，留低同朋友吹水冇駁煙，小龍未夠皮，歎緊第二飛。

見成班兄弟去晒煲煙，新郎哥黎諾懿（紅衫）行去煙區，多謝班兄弟咁幫手。

莊思明唔敢行埋去同伊健一齊煲煙，不過就孖實好姊妹王君馨，同鄭生鄭太响婚宴影合照。

兄弟煲煙團，閒人免進，企响附近嘅莊思明，只能夠一個歎。

八人兄弟團幫拖，賀黎諾懿做老襯，但新郎哥話因為仲要拍《愛．回家》，所以要明年先可以同太太去度蜜月。

《愛．回家》兄弟姊妹到齊外，伍詠薇同剛剛新婚嘅陳敏之都有嚟飲。

鍾意就快D Share啦！

下一篇 》