掃呢頁CODE去手機

2014年12月19日 星期五

[忽然1周 - 1012] 司馬燕出院做冬 吳澋滔笑晒:媽咪依家好 stable! 司馬燕,吳澋滔,司馬燕大仔,MW,




51歲嘅司馬燕,兩年前確診胃癌,切咗成個胃。之後撐過 6次大手術,體重曾跌至 50磅,但佢依然樂觀面對,強!

媽咪姐

司馬燕出院做冬 吳澋滔笑晒:媽咪依家好 stable!

之前有傳因腎臟有腫瘤同膽管閉塞,入咗養和個幾月嘅司馬燕病情告急!家人同牧師趕去醫院。真係嚇死媽咪姐呀!好彩,後尾知道呢位「抗癌勇士」真係好堅,又打贏一仗,星期日( 14日)出院返咗屋企休養嘞。

媽咪姐梗係即刻 WhatsApp問候啦,幾分鐘後,司馬燕已經回覆話自己 OK,喺屋企休息緊。咁快覆到媽咪姐,證明佢精神真係唔錯,媽咪姐安樂晒呀!之後,見到之前 day day去養和陪媽咪嘅吳澋滔出街睇戲,成個樣輕鬆晒,佢仲笑晒話:「媽咪依家喺屋企好 stable!(返屋企做冬過聖誕?)係呀。(之前有報道話你為咗媽咪,會延期去英國讀書?)都唔會。啱啱考完試之嘛。」照咁睇嚟,司馬燕嘅病情有好轉,囝囝亦可以安心準備出國。加油呀!媽咪姐支持你㗎!

周一( 15日)上晝,媽咪姐 WhatsApp司馬燕, 6分鐘後,佢已經回覆話「 I’ m ok!」仲 send咗幾個大拇指同舉臂 icon俾媽咪姐㖭!

老公鬆一鬆

周三( 17日)晚,司馬燕老公吳忠義帶住細仔 Brian去睇《翻生侏羅館 3》嘅首映放鬆吓。講起太太,佢話:「 She is ok!」不過今晚有事所以唔嚟得。睇見之前愁眉深鎖嘅 Brian笑番晒,媽咪姐都戥佢哋一家開心呀。

司馬燕出咗院,佢 17歲大仔吳澋滔即刻放下心頭大石。周二( 16日),佢同朋友去太古城行街睇衫又睇戲,仲有問必答,好有家教。



鍾意就快D Share啦!