2015年1月30日 星期五

[忽然1周 - 1018] 有心唔怕遲! 61歲斑斑徵婚 斑斑,MW,




森森同斑斑好鬼馬,整咗啲印住嘜頭嘅紅酒慶功,仲送過俾契爺胡楓賀壽㗎!

媽咪姐

有心唔怕遲! 61歲斑斑徵婚

仲記唔記得佢兩姊妹呀?好耐冇開金口嘅森森同斑斑,前排喺文化中心開咗場騷,媽咪姐鍾意趁熱鬧,梗係去聽吓歌

咪睇森森已經 63歲,斑斑都 61歲,唱起歌上嚟,不知幾好中氣,啲爆發力絕對唔輸蝕得過「宇宙漿」。呢啲先係神級㗎嘛!講開一把年紀,斑斑同前夫惠天賜離婚 14年,依家囝囝都就快廿歲,係時候搵第二春喎!佢都話:「我個仔都咁大個係時候為自己搵番個仔啦,有緣識到又相處得嚟,咪一齊生活試吓囉!其實都唔係冇人追我㗎!」查實斑斑 keep得咁 young,搵個人陪吓都唔難嘅!

森森(左)同斑斑近年長居澳門,難得返嚟開騷,唱功寶刀未老噃!

斑斑同惠天賜雖然只做咗 5年夫妻,但前夫突然離世,當時佢話無論點都會叫囝囝惠建豪去喪禮。

鍾意就快D Share啦!
Related Posts Plugin for WordPress, Blogger...