全城熱爆的娛樂八封新聞 & 時事趣聞 & 生活 + 趣聞
68歲嘅惠敏哥落車跑咁快，係就係有急事，但唔係趕去搵洗手間，而係——買報紙。
陳惠敏嘅江湖地位，離遠都 feel到股霸氣！呢晚半夜媽咪姐喺西貢食完消夜出嚟，就見到惠敏哥好匆忙咁落車。嘩！仲以為有乜大茶飯要佢親自落場㖭！點知惠敏哥停咗架車喺小巴站，門都未閂好就跑埋報紙檔，買咗份報紙即走。媽咪姐見佢咁支持報界都好開心，但為買份報紙被抄牌就唔抵惠敏哥下次泊架車埋一邊都係用多分零鐘，又唔係「肯雅徐」跑渣馬， 1分鐘都唔係爭好多啫！
查實惠敏哥可以訂報，或者下載最新嘅 Sudden+ app，咪唔使驚被抄牌都可以緊貼時代脈搏囉。
我都係文化人嚟㗎！（設計對白）
惠敏哥除咗身手 keep到，喺影圈仲好活躍㗎！啱啱先同秋生哥拍完《大茶飯》。又係做江湖大佬， easy！
我都識輕功水上飄㗎！
