[忽然1周 - 1018] 「艷乳門」是非多 袁嘉敏一句 K.O. Jeana 袁嘉敏,Jeana,BKD_S,MW,

唓！使唔使呀！（設計對白）

30歲嘅袁嘉敏始終係女主角，成為鏡頭獵物係常識吧！

媽咪姐

「艷乳門」是非多　袁嘉敏一句 K.O. Jeana

《鴨王》呢個星期上，媽咪姐同班姊妹一早已經睇過女主角袁嘉敏（ Candy）嗰段露點戲，都真係幾激㗎！勢估唔到喺首映禮時， Jeana（何佩瑜）同男主角 Dominic（何浩文）自製緋聞兼兩度 kiss kiss，擺明博上鏡。不過袁嘉敏輕輕講咗一句：「我唔會做嘢去搶鏡。」咁就 KO咗佢哋。 Candy仲話：「首映禮只係一個儀式。」

媽咪姐事後問番 Jeana，佢就咁答：「我有同佢（指袁嘉敏）打招呼㗎！」不過， Candy又話無喎，真喺「羅生門」，唔知邊個講大話。女人走埋一齊真係多是非。

其實， Jeana搞咁多嘢都唔及人哋露點咁搶㗎喇！嗱，同場嘅梁敏儀就無乜點講嘢，單靠衣着都博到張相啦。所以話呢，搶鏡嘅嘢有好多方法嘅！

25歲 Jeana同 Dominic喺現場自製緋聞兼兩度 kiss，後生女係好勝啲！

Kiss完嘅 Jeana同 Dominic好 happy！但睇袁嘉敏嘅眼神，只係睇到不屑兩個字囉。

有戲睇喎！（設計對白）

38歲嘅梁敏儀出道多年都係行性感路線。仲同過「高主教」高皓正拍拖，估佢唔到呢！

鍾意就快D Share啦！

下一篇 》