全城熱爆的娛樂八封新聞 & 時事趣聞 & 生活 + 趣聞
梁景煌與陳沛鈺齊齊着黑白色衫上節目，襯番心情。呀，唔係！睇陳小姐好似好 happy可以上鏡。
被王征「用完即棄」嘅「星光幫」梁景煌（ Tommy），同被亞視逼去飯局嘅落選亞姐、發哥「世姪女」陳沛鈺，一齊上有線節目。 Tommy自爆去過王征老竇上海嘅屋企，「間屋仲衰過公屋，現場有律師同司機，佢（王征）即場叫老竇分身家，最後分到一億。」被問及有無後悔， Tommy就話：「見過鬼都怕黑，當被鬼責！」
王征嘅醜聞真係沒完沒了。
同場嘅陳沛鈺就竟然話想去飯局見識吓。「我當日撞咗時間，唔係一定去吓，依家有三級片搵我拍，我要同父母商量，唔想第一套電影就三級片。不過，健康性感我係無問題。」嗯，世姪女你真係 open喎！咁點解之前受訪又喊晒口呀？
