千嬅同祖兒講，自己個場好旺，助手都係喺演唱會識到老公，仲生埋 B，祖兒聽完即刻甜笑。
媽咪姐
開騷做到嘢！ 千嬅同 Sammi祖兒全面建交
睇住千嬅，媽咪姐忽然覺得自己有啲老㖭！啋啋啋，唔係，係成熟優雅咗先真。諗番佢 95年攞新秀銅獎入行，咁又廿年，大家依家都結咗婚又生埋仔，時間有冇過得咁快呀？
坦白講，千嬅唔係好靚唔係好 fit唔係好唱得，亦都唔係好演得（我知，千嬅拎咗影后，但佢真係唔係「桃姐」嗰隻嘩一聲嘛！）。不過，呢位烈女就係有啲搞笑有啲港女智慧有啲江湖義氣，再加啲你同我都好想要嘅人緣同運氣。簡單嚟講，係有啲料到囉！淨係睇吓佢夠膽請鬥咗十幾年嘅 Sammi同祖兒做演唱會嘉賓，就知佢心口堅係掛咗個勇字啦。
周二（ 27日）晚，千嬅都喺台上面同 Sammi講：「其實我好驚唔敢問你，所以搵珊珊（經理人林珊珊）問 Wallace（ Sammi經理人郭啟華）。我好衷心咁多謝你，我演唱會可以請到你，無遺憾㗎喇！」講真句，大家都係天后級，請人做嘉賓，同自己直接比較喎！真係唔係人人做到。媽咪姐 check過，千嬅仲唔係請人做嘉賓就算。佢喺網上 follow晒 Sammi同祖兒，有晒互動㖭！有超級公關丁子高做老公，果然唔同啲， friendship forever！
傷腳死忍
唔跳開舞嘅千嬅，第 1晚先係隻腳甩甩哋，跟住仲拗親隻腳，但佢都忍痛繼續跳。去到第 4場，千嬅隻高踭鞋攝咗喺條罅度，佢除鞋照唱，舒服晒！
ig互動
|
鍾意就快D Share啦！
|
|
|
