2015年1月30日 星期五

[忽然1周 - 1018] 男友識嘢揀疊水杏兒做老婆 杏兒,胡杏兒,MW,




杏兒 dry咗幾年,終於有着落,唔少人話佢搵到筍盤。查實佢本身都搵到錢,媽咪姐覺得係佢男友執到寶囉!

媽咪姐

男友識嘢揀疊水杏兒做老婆

35歲嘅胡杏兒終於有拖拍喇!能夠得到佢芳心嘅人,咪係李詩韻舊愛、 40歲做過金融、又喺蘭桂坊開夜場嘅 Phil囉!

睇番 Phil往績,同過 03年落選港姐李詩韻拍拖,又戀過 2012年國際中華小姐冠軍張曦雯。論人氣同身家,杏兒真係贏李詩韻幾班呀!最緊要係杏兒情史唔多,比起 Phil啲專釣金龜嘅舊愛,有 heart好多。識揀,梗係娶杏兒加埋杏兒呢幾年賺唔少,媽咪姐幫佢計過數,單係長沙灣半山地段郝德傑山嘅高層相連單位,加埋美孚新邨兩個收租用嘅單位,同早年送俾父母、位於深水埗福安大廈嘅單位,市值超過 3,500萬。咁多物業,杏兒呢啲絕對係筍盤

自從同黃宗澤分手後, Phil係杏兒再次肯定嘅對象,咁大方承認,睇嚟好事近喇!

Phil同過唔少女星一齊,其中喺 2010年同李詩韻拍過拖,當時佢哋經常孖住夜蒲。估唔到杏兒同李詩韻咁老友,會揀咗姊妹嘅前度。

喺 3年前開始,杏兒分段式買入唔少物業,其中喺 2012年買入長沙灣郝德傑山高層相連單位,依家市值約 1,500萬。

上個月杏兒又收到花,開心到喺微博公告天下,但當時仲未爆出拍緊拖嘅佢,已有朋友留言兼開名,話係 P先生送嘅。

鍾意就快D Share啦!
Related Posts Plugin for WordPress, Blogger...