網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月13日 星期五

賠騷錢谷到喊 高均賢︰對阿媽好內疚 [忽然1周 - 1024] MW,



高鈞賢與媽咪首次穿上埃及民族服裝,不亦樂乎。

娛樂喧

賠騷錢谷到喊 高均賢︰對阿媽好內疚

明星 sell親情節目向來收得,今年 4月有線節目《帶阿媽去旅行》大玩母子情,頭炮是剛離開大台 3個月的高鈞賢。據知高鈞賢今次酬勞不俗,有五位數字,加上同阿媽去旅行,令他感慨良多。

原來高鈞賢入了大台後,事業一直低沉,收入只僅夠自己餬口, 9年以來今勻第一次帶阿媽去旅行,都是因為做節目。對此他感觸說︰「我對阿媽好內疚。」

由於今次拍攝節目的地點是埃及、近約旦等伊斯蘭國險地,據知出發前高鈞賢父親曾大力反對,猶幸母親力撐,堅決要同囝囝踏上征途。

高鈞賢透過電話訪問,暢談拍此節目的點滴:「呢個唔係舒服嘅旅行。朝早開零六,夜晚收十點,又有沙塵同風暴。由香港去埃及,中途經約旦轉機,等足三個鐘,全程十八小時。去到埃及關卡,個個人揸搶,又要查袋。當地人冇笑容㗎,見到我哋中國人眼望望,氣氛好嚴肅,真係難為了媽咪。」

談到第一次拖住媽咪的手出遊,高鈞賢不無感慨。「以前唔係冇諗過同阿媽去旅行,但每次都諗住遲啲先有時間都留番嚟等機會啦,有時又冇心情。其實我對屋企人好內疚,尤其係對阿媽,佢係屋企入面最義無反顧支持我嗰個。由我賣咗加拿大架車返香港追尋夢想開始,到今次決定離開大台,媽咪一直同我講:『阿仔,你想做就去做』我講嘢唔多,但佢都明白我諗乜,就好似係我靈魂咁。」

節目中,高鈞賢講到媽咪多年來的支持,不禁眼紅紅,流下男兒淚。

高鈞賢離開大台,立即可以參演內地大型科幻劇《山海經之赤影傳說》。

為阿媽搏一鋪

「離開大台,百分之八十嘅人都唔贊成,話依家小生已經唔多,留番喺度會有機會。甚至連我爸爸都係咁講,話大台有穩定收入,出去由零開始,好冒險!但我唔想到三十幾歲依然庸庸碌碌。有媽咪嘅支持,我至決定全力一搏。」

高鈞賢 21歲時參選《香港先生》,之後同大台簽約,一簽便是八年。他一直只演路人甲,直到第五年,大台又要求他凍薪加簽一年。後來臨約滿前,大台再要他凍薪加簽兩年。當時他已 29歲,深知不能再等。

拍攝途中被旅客捕獲,高鈞賢即刻像發哥一樣,跟 fans親切合照。

高父曾反對兩人去埃及,生怕他們途經高危約旦地區,後來得高媽媽幫口,最後成行。高鈞賢也是頭一次用摩托車載媽咪。

賠騷錢谷到喊

「每次簽約,公司都話會俾機會我,但等到第八年,我決定唔再續約。有時見到與我同齡嘅人,已經有事業基礎、有家庭有小朋友,但我乜都冇。自己養自己勉強夠,但咁大個人乜都俾唔到屋企,好內疚。有次打籃球傷咗入醫院出唔到騷,欠大台騷錢三萬幾,我忍唔住喺醫院喊咗出嚟。嗰陣我喺事業上好失落,惟有靠籃球場上嘅歡呼聲搵番自己。阿媽見我咁,問我攞本存摺,想入錢落我戶口,我真係再忍唔到……」

高鈞賢同媽咪成個餅印,已經五十多歲的高媽媽,十分童顏,同囝囝更冇代溝。

《帶》將會在 4月 12日首播,卡士除了高鈞賢,還有雪梨、李悅彤、黃美棋、陸詩韻等等。

婚後住近父母

高鈞賢在大台最後一套劇《飛虎 II》播出時,已經離開大台,沒有參與任何宣傳。

高鈞賢指希望三年後( 33歲)結婚,住近父母,可以時時刻刻照顧他們。「我依家喺內地拍劇搵到少少錢,想話買嘢送俾兩老,佢哋都唔要。我想第日結咗婚住近佢哋,呢份係送俾兩老最好嘅禮物。」

高鈞賢離開大台三個月,已拍完一個內地古裝劇《山海經》、一部全國播映的消防宣傳片。另接了湖南衞視《愛的婦產科》、港台的《監管有道》及深圳衞視綜藝節目《男左女右》,工作浪接浪,終於捱出頭。「我會當自己係新人,努力一步步行落去。」三十歲發力,有心唔怕遲。

賣親情搶收視

近年來中港兩地都掀起親子節目熱潮,因為 sell親情容易入屋,收視有一定保證,不少電視台都爭相製作。

《爸爸去哪兒》

源自南韓的湖南衞視親子節目, 2013年 1月播出後不但很受歡迎,嘉賓之一的林志穎更在內地火速走紅。後來節目拍成電影,於 2014年上映。

《我不是明星》

浙江衞視的明星子女真人騷,跟其他親子節目不同,一班星二代立志擺脫父母的光環,努力奮鬥實現理想。鄭欣宜曾在該節目感動了不少觀眾,更請來秋官撐場。

鍾意就快D Share啦!


Related Posts Plugin for WordPress, Blogger...