熱爆娛樂: 齊昕罷拍　李逸朗呻爆：見慣啦 [忽然1周

2015年3月13日星期五

齊昕罷拍　李逸朗呻爆：見慣啦 [忽然1周 - 1024] 齊昕,梁齊昕,李逸朗,MW,

雖然阿 Don有機會做電影男一，奈何電影一波三折，最終也沒法圓夢。

娛樂喧

齊昕罷拍　李逸朗呻爆：見慣啦

CY女梁齊昕本來簽了約， 3月初開拍電影《男極探射燈》，但因為她突然玩失蹤罷拍，搞到導演劉俊輝同男主角一鑊泡。

據知原本頂齊昕角色的亞視嘟姐筱靖突然辭演，男主角李逸朗（阿 Don）又因檔期問題分分鐘拍唔成。導演劉俊輝坦言已交由律師，循法律途徑向齊昕索償。

捱了多年終於等到做男一的李逸朗，被齊昕一鋪「蹺起」，惟有呻爆：「見慣」

其他影片：>>醜小鴨變天鵝

近年在內地發展的李逸朗，早前翻唱〈傻女〉，被網民指「哭喪」，但紅爆網絡贏得人氣。加上導演劉俊輝找他當男主角，與 CY女齊昕拍電影《男極探射燈》飾演情侶，人氣再飆升。

不過，齊昕最後甩底，電影 3月開唔成，而男主角李逸朗 4月除做音樂會，又要拍港台劇，好大機會因檔期問題拍唔到。「阿 Don 4月 1日同鄭敬基開演唱會，今次演唱會係向哥哥張國榮致敬，所以鄭敬基要求高，阿 Don亦緊張個唱水準。部戲原先 3月 8日開拍，阿 Don仲有時間準備音樂會，但依家唔知延到幾時。而佢 4月後又接咗港台電視劇，根本冇時間拍《男》，加上女主角唔係齊昕， noise會差好遠。」知情者說。

本周三（ 11號）阿 Don與鄭敬基一起在中環飲涼茶，順道問店員甚麼茶可以幫助開聲，在 4月的音樂會時飲。

梁齊昕情緒一向大起大落，三月初更玩失蹤，令《男》未能如期開拍，但近日又現身 fb為自己加油。有消息指她與前男友 Michael未獲家人支持，即使兩人在去年九月復合，不過在佔中期間再度分手，令齊昕的身心大受打擊。

寧拍港台劇

本周三（ 11號），李逸朗與鄭敬基一起在中環現身。兩人走入涼茶店找開聲茶，相信是為音樂會作準備。離開時，李逸朗承認辭演一事。

記：記者　李：李逸朗

記：係咪辭演《男》？

李：我諗可能拍唔到，都想盡量遷就，但四月個期滿，要拍港台嘅劇，拍到五月，所以冇時間。

記：寧願拍劇都唔做電影男一，拍劇酬勞可觀啲？

李：唔係。依家個劇已經開始拍緊，冇可能腰斬。

記：齊昕打亂晒你嘅計劃？

李：唔……唔會……電影換角嘅嘢時有發生。

記：好無奈？

李： ok，見慣喇！

記：導演話會等你個期喎！

李：（經理人）公司會同導演溝通，希望解決到問題。

阿 Don 4月同時要忙音樂會，又要拍港台劇《火速救兵》，所以冇期拍《男》片。

為李逸朗改劇本

至於導演劉俊輝則承認收到齊昕的律師信：「係記招後收到佢律師信，佢唔拍㗎嘞！用法律解決，用錢解決囉。（你係咪向佢追討 6位數字？）已經交咗俾律師處理，但部戲一定會拍落去。」

問到李逸朗話度唔到期，他信心十足說︰「唔怕，邊個演員唔係一個人有幾部戲喺身？我睇好佢，雖然部戲未必令佢一炮而紅，但會更上一層樓。之前個劇本為齊昕而寫，依家已經修改緊，會以阿 Don為主。個期一定度到。」不過，導演似乎仲有女主角問題未解決，原先頂齊昕的筱靖又拒演，究竟邊個敢接齊昕棒，好戲在後頭。