全城熱爆的娛樂八封新聞 & 時事趣聞 & 生活 + 趣聞
Hermès Kelly Bracelet約 12萬Hermès Collier de Chien PM Bracelet約 6萬 3千李彩華話耳環、戒指喺巴黎小店買，幾百蚊貨仔，不過兩隻 Hermès手鈪加埋就要成廿萬。
周二（ 10日），一眾城中貪靚女藝人去咗黃金護膚品午宴，佢哋圍埋講嚟講去都係買衫、護膚。不過咩都係假，最緊要自己有經濟能力！冇見一排嘅羅明珠，繼續唔使做，處於半退休狀態。仲有喺大陸搵人仔嘅李彩華，行頭十足。女人真係有計，財來自有方呀喂。
李彩華 06年開始北上發展，幾年前彈起，身價三級跳，身家有成 8千幾萬。小富婆平日名錶、靚袋不離手，當日就出動貴氣手鈪，唔聲唔聲嚇你一驚。「我見首飾靚就買，冇分平貴，係呢兩隻鈪貴少少，呢個價錢可以買到個袋。依家一樣喺內地拍劇，都係靠自己最穩陣。」女人要自強！啱聽！
TIRET鑽石錶約 30萬
昔日開心少女組成員羅明珠（圓圖），依家甚少出席公開活動。當日佢一身便服打扮，戴上幾十萬鑽錶，成個少奶奶咁款。「依家都係炒吓股票，耐唔耐去泰國旅行，因為嗰邊意大利進口嘅手巾同牀單都好靚。朝朝游吓水，晏晝就出動行街、食嘢。」羨慕死人咩。
