插圖： Wendy
揞名爆
「乖乖女」揸車亂嚟犯眾憎
真係唔好意思，啱啱揭穿「女神」真面目，依家媽咪姐想講吓另一位連任多屆嘅宅男女神——「乖乖女」，噢！又要敲碎好多男人心嘞。
話說媽咪姐同一班狗仔隊都幾熟嘅，講真，無佢哋，大家邊有咁多爆炸新聞？邊知世上咁多賤男小三吖？有一次，我又同佢哋吹水飲茶，大家傾傾吓，就好自然講起圈中邊個明星揸車最唔掂！咁狗仔隊成日要揸車追訪明星，最有權威嘛。佢哋諗都唔諗，話選美出身嘅「乖乖女」手車最差！咁查實睇「乖乖女」瘦瘦咁，弱不禁風，姐手姐腳都唔奇嘅。不過，一班狗仔隊馬上反駁媽咪姐，話「乖乖女」手車不知幾辣，仲吓吓做啲小動作，好似想班狗仔隊出交通意外！所以一班行家都好唔妥佢咁話。
Well，媽咪姐未領教過佢手辣車，淨係見過佢車廂勁多雜物，好亂囉！之不過馬路如虎口，大家小心忍讓啦。
邊個係「乖乖女」？
•拍過電視，又北上賺人仔㖭。
•屋邨出身。
|
鍾意就快D Share啦！
|
|
|