2015年3月10日 星期二

無寶不落專食索女 崔建邦鄧健泓結婚「封盤」 鄧健泓,崔建邦,




【四大食家】無寶不落專食索女 崔建邦鄧健泓結婚「封盤」

2015-03-10 14:45:00



左起:崔建邦、吳浩康、側田,同鄧健泓。四大食家。

娛樂圈好多組合都係同「4」有關,好似話,四朵金花啦,好似話,「振山漢子」啦——即係陳X聰系列:陳振聰(龔如心的情人)、陳山聰(何超雲前男友)、陳漢聰(蔡加怡老公)同陳子聰(何超儀老公)咁。依家再有一隊四人組合:吳浩康、側田、鄧健泓,同崔建邦。四男有兩大共通點,第一係外表都……咩啦,第二係,雖然樣子都咩啦,但身邊女伴不計其數,而且個個索女。Btw,四子之中,依家,1/2要結婚封盤了。咁,對男士而言,係咪天大喜訊呢?

1.崔建邦多女兼好命:

唐詩詠

崔建邦與唐詩詠拍拖多年,其間男方與多位靚女傳緋聞,仲試過「出手」惹官非,但唐依然對佢不離不棄,句句維護,生活上亦照顧周到,絕對有情有義。不過男嘅依家有Kelly,女方亦已有新歡洪永城。

郭思琳

2010年11月,崔建邦帶有「翻版李嘉欣」之稱的模特兒郭思琳返家過夜,斷正後郭思琳辯稱自己瞓梳化。

Marina V.

2010年9月,俄羅斯模特兒Marina V.與崔建邦夜蒲後,同車離去,當時Marina直認對崔建邦有好感。

鄺敏慧

09年8月,崔建邦瞞住唐詩詠,與鄺敏慧撻着,翌年男方被爆向女友動粗,但鄺敏慧於案件開審前突然「放生」崔建邦,崔毋須留案底,但需守行為一年。

Kelly

去年夜店認識,女方係來自廣州嘅索模,今年18歲(或者21),Mandy Lieu師妹,自封翻版吳千語。同崔建邦拍拖三個月左右已共賦同居,住喺男方飛鵝山寓所,如今更傳已經秘婚。

2.側田人生過山車 拖女踎茶餐廳

至於側田,大家最記得除咗有林苑之外,其實側田異性緣真係好旺,而且個個索,但都係以圈外人為主。之前側田返祖國搵食,話明放棄香港市場,點知最後都係「唔捨得」香港回流發展,佢之前住過嘅地段,由大坑、半山愛都大廈到貝沙灣,依家由貝沙灣豪宅搬到鴨脷洲住唐樓。同韓女友分手後又火速食到新女,兩口子仲齊齊踎茶餐廳,幾sweet!

林苑

05年盛傳力追衞蘭不遂,轉追當時新人林苑,翌年被拍下二人共處側田大坑寓所過夜,並穿上情侶裝玩煮飯仔,可惜戀情只維持3年,08年分手。

江若琳

被指背住林苑,07年喺中環街頭同當時新人江若琳調情。

曾雪華

08年在朋友聚會中結識「翻版楊千嬅」曾雪華,即撇林苑,花三個月成功奪得其芳心。

黃欣

被拍到於09年一拖三到澳門,其中一名係「美女廚房」嘅河粉黃欣,二人手拖手入美高梅金殿酒店。

趙慧仙

與韓籍女友趙慧仙09年同遊迪士尼,翌年承認戀情,已達談婚論嫁階段,最後都係分手。

3.鄧健泓食盡港姐 情歸石詠莉

現年40歲嘅鄧健泓,係唔少宅男葡萄對象,事關佢個look真係……但偏偏食盡港姐,而且大多女友都係有樣有身材,唔係港姐就係索模,難怪被封娛圈「食家」。

原子鏸

99年香港小姐亞軍,並獲「完美肌膚獎」及「健康體態獎」。二人因拍劇集《男親女愛》撻着,鄧健泓曾公開視對方為老婆。拍拖時二人共養了一隻玩具貴婦狗Seth,分手後,Seth跟着原子鏸生活,但只要女方出埠工作,Seth都會暫時交由鄧健泓照顧。

李詩韻

03年參選香港小姐,奪得「最上鏡小姐」及「才藝小姐」兩獎。翌年因拍攝《老婆大人》與鄧健泓擦出愛火。當時男方剛與原子鏸分手故未有公開戀情,至07年拍得同居後戀情才浮面。李詩韻09年回加拿大讀書,有指她要求男友經濟支持,令二人因財分手。

龔嘉欣

宅男女神龔嘉欣,於拍攝《隔離七日情》而跟鄧健泓成為情侶,有指二人更發展至同居階段。由於他們有16年的年齡差距,令鄧健泓被視作「宅男公敵」。12年女方於網上暗示情變後,坦承跟鄧健泓已和平分手,有指二人分手是因香港先生許家傑介入。

張嘉兒

12年剛跟龔嘉欣分手的鄧健泓,晚上駕車離開寓所時,被拍身旁坐着戴上口罩的07年港姐冠軍張嘉兒,故隨即傳出她是介入鄧健泓跟龔嘉欣戀情的第三者,雖然事後張嘉兒指自己只是「黐車坐」,但其後陸續拍得二人多次約會,緋聞甚囂塵上。

石詠莉

同張嘉兒分手後,去年初「速食」前組合Freeze成員石詠莉,兩人合作演出舞台劇《大酒店有個荷李活》時一撻即着,拍拖不足兩個月已經同居。去年底兩人低調到沖繩預支蜜月,談婚論嫁,並達共識將於明年拉埋天窗。

4.吳浩康——呢個做咗成個禮拜「風雲人物」,食女無數,人妻亦是其好友。

吳生食過幾多女唔使再講喇啩,不過就傳佢因為不忠,俾女友鍾舒漫「處理中」,婚期凍結。



嘩!



美女與野獸



全盛時期嘅原子鏸



李詩韻(依家改名為李施嬅),索!



但佢揀咗佢



龔嘉欣又係索,又係揀咗佢。



石詠莉



林苑



側田於09年一拖三到澳門,其中一名係「美女廚房」嘅河粉黃欣,二人手拖手入美高梅金殿酒店。



側田與韓籍女友



唐詩詠BB



郭思琳



不離不棄



鄺敏慧



結果…搞成咁

鍾意就快D Share啦!
Related Posts Plugin for WordPress, Blogger...