掃呢頁CODE去手機

2015年3月11日 星期三

幫仔出頭 搶猷君條女 四太下旨封殺大隻男模 [FACE - 407] MF,




坡妹 Yumi

Yumi同何猷君去年 12月被拍到拍拖遊老銅,猷君做埋阿四兼陪捱麵包,四太當時仲話:「呢個都斯文大方!」估唔到突然殺出個程咬金。

真面目

幫仔出頭 搶猷君條女 四太下旨封殺大隻男模

正所謂窈宨淑女,君子好逑!講緊賭王何鴻燊四房三仔何猷君同坡妹女友 Yumi白瑋玲,去年底先爆出戀情,上月就分手收場,原來殺出第三者 A&F大隻男模郭子豪( Arnold)。

Arnold揮低猷君,撬走 Yumi,據聞四太為咗幫愛兒出番啖氣,分別向大台同天機公關 CEO鄭紹康施壓,趕絕 Arnold!點知大難臨頭各自飛, Yumi最近提出分手, Arnold今鋪真係偷雞唔到蝕渣米!

23歲郭子豪( Arnold)出身中產家庭,有樣有身材有學歷,大學時於全球十大名牌學府 Imperial College London修讀機械工程系,又擔任過 A&F模特兒,仲被品牌選中做 2013年春夏廣告男模,入行冇難度! Arnold今年更與大台簽經理人合約,前途原本幾好,不過「色字頭上一把刀」,硬撬完猷君女友 Yumi,最終惹來被封殺。

出身於新加坡的 Yumi和家姐 Miko組成女子組合 BY2,雖然二人以性感歌舞為賣點,不過星途依舊冇起色,直到同何猷君的戀情曝光先叫多人認識。《蘋果日報》圖片

BY2對上一隻唱片已經是 13年推出的《 MY.遊樂園》,星途認真一般,兩姊妹更被指大執,個樣同出道好大分別。圖片

Arnold大學都未讀完就做緊 A&F模特兒,之後又去埋世界各地繼續幫 A&F行騷,仲被選中做'13春夏廣告男模,當時風頭好勁㗎!網上圖片

愛兒猷君慘被撬牆腳,四太梗係要出招

簽大台等拍劇

猷君跟西班牙籍女友 Francesca拍拖約一年,感情十分要好,不過去年 3月猷君微博自爆失戀,他說:「謝謝妳給我的一切 2012-2014」。網上圖片

四房三仔何猷君,跟來自新加坡的歌手 Yumi白瑋玲,去年 12月拖住遊老銅爆出戀情,四太梁安琪當時仲話:「呢個都斯文大方!」態度明顯好受落!點知今年情人節當日,猷君在微博忽然大爆「誰說情人節要跟情人過?」暗示單身。

分手原因,原來是因為第三者。據知在一次聚會中, Yumi認識 A&F男模 Arnold,兩人極速發展,猷君後來才知道被撬牆腳。四太得知後震怒,分別向大台同之前幫 Arnold接 job的天機公關 CEO鄭紹康施壓兼落封殺令,實行全面斷米路。

本刊週一( 9日)致電 Arnold,他說︰「𠵱家冇拍拖,年頭同 TVB簽咗約。(之前女友係 Yumi?) Yumi?梗係唔係(被四太封殺喎!)早排先喺 TVB見到四太個仔。(連鄭紹康都封殺你?)唔係,我轉咗 TVB management,都有 keep in touch,佢都有 job搵我,不過要交番畀 TVB決定。𠵱家做緊劇集 casting,邊一套唔講得住,都有接出面啲 job, TVB就等緊開劇。」

公子 VS大隻模

猷君有錢又靚仔,身邊啲朋友都激讚似林峯,仲有女仔主動追佢,就連佢自己都話把口夠甜喎!網上圖片

Arnold家底雖然不及猷君,不過勝在有一副 fit到漏油嘅「 body」!

原本鄭紹康(右)都睇好及重用 Arnold,不過自四太落封殺令後,就再冇呢支歌仔唱,對上一次邀請出席活動已經係去年 9月。網上圖片

Arnold在廣告界好吃香,最新作品為周大福代言。網上圖片

同人唔同命

男模 Jeremy黃俊豪同 Arnold都係鄭紹康愛將, Jeremy亦同賭王三房的超蓮拍過拖,同何家扯上關係,不過就同人唔同命, Jeremy事業愈撈愈掂, Arnold就愈撈愈霉,講到尾都係衰在撬牆腳啫!

正所謂同人唔同命,何超蓮舊愛 Jeremy黃俊豪分手後又一條好漢,最近更成為男士品牌 Stud的內褲代言人,大騷肌肉。網上圖片

Jeremy以往亦試過同 Arnold同場,不過現在則一個得寵一個失寵。網上圖片

Jeremy同何超蓮拍過拖,當時女方都不介意拖住男方示人,男方更食住「超蓮舊愛」個朵愈撈愈掂。

鍾意就快D Share啦!