疑貪玩媾仔累事 蔡思貝被舞指男友狠飛
新人蔡思貝(Sisley)一向「鬼妹仔」性格，尤其對男藝人好熱情，兼
經常喪放生電，早前被封「新一代姣精」。
去年蔡思貝被影到多次進駐著名舞蹈指導男友麥秋成嘅屋企，以為佢感情有著落，點知拍拖期間，蔡思貝緋聞不絕，去年台灣拍外景嗰陣，傳佢同「巨聲」大孖周志文撻著，被影到喺九龍城拖手嘆糖水。
昨日有雜誌指入行約一年嘅蔡思貝，由於成日媾仔，搞到男友麥秋成好嬲，結果上年聖誕節遭狠撇，有傳蔡思貝好鍾意男友，不過盛傳係女方份人貪玩，令大家分手收場，事後蔡思貝都好傷心。
該報道又指，蔡思貝日前被影到喺將軍澳行超市，成個人心不在焉，仲話佢買香口膠都要用信用卡畀錢云云，又爆佢跟手去咗觀塘搵好友許亦妮訴苦，估唔到平日男伴車輪轉，居然冇人陪，要搵好姊妹打發時間。
報道又爆蔡思貝農曆新年期間，蔡思貝「一支公」上咗大台一位高層嘅屋企，開賭局玩大細，佢仲越賭越大，搞到身邊啲人都「打咗個突」，唔知係想發新年財，定係借「賭」澆愁，真係佢先知喇?
|
鍾意就快D Share啦！
|
|
|
