大肚Mandy前日凸肚現身，除咗力證自己「孕味濃」之餘，更大方騷俾大家睇，自己越嚟越富貴。
由經理人扶住嘅Mandy低頭密密撳電話，無意show off左手戴住嘅白色愛彼鑽錶，價值35萬；不過都唔夠左手中指戴住嘅鑽戒搶眼。
呢隻三卡心形全粉紅鑽戒，據知係洗米華為獎勵Mandy懷有「華種」，所以親自搵人精挑細選，仲花咗成兩個月先搵到。雖然只係三卡，但連工包料就要成8百萬喇！
Mandy自得寵以嚟就不斷收到禮物，以為早前收到成億嘅西半山豪宅珒然好誇咩？洗米華獎勵佗B都送8百萬戒指，阿B出世之後，Mandy咪仲富貴！
