快 50歲嘅王敏德，近 20年都係做演員，忽然出碟做歌手，大台會唔會俾獎佢呢？
真面目
唔笑唔得 網友恥笑娘爆 MV 王敏德：自己都唔敢睇！
樂壇已死？未必！ 49歲做開飛虎隊隊長嘅王敏德（ Michael）唔只識揸飛機遊艇，原來仲識唱歌！上月底 Michael低調推出 3首歌 EP，近排勁宣傳， MV喺小巴日夜 loop。
王敏德第一首主打歌〈 Airways Of Love〉 MV被網友指「老土」、連佢自己都話唔敢睇！果然，上週新手 YouTuber「黎將軍」就將 Michael這首 MV惡搞。最爆唔少得男人扮索女，巴士扮直昇機，連王敏德都要畀 like先好笑！
飛虎隊隊長、大闊佬、多女埋身的有型機師形象深入民心，王敏德（ Michael）上月突然推出 EP唱片，真係唔聲唔聲，又有巨獻！
正版 Vs惡搞版
Michael搵咗名模 Angelina Anderson做靚靚女主角上遊艇，惡搞版就搵男扮女裝嘅「美女」。
抄造型
揸慣直昇機嘅 Michael一臉正經，黎將軍就戴住打機 head phone坐巴士手揸遙控玩遙控飛機。
抄 pose
要型一定要有指定動作， Michael唱住「 And We're right on time」時呢個手指指動作，黎將軍抄到足！
呢個係我個 passion
「之前有機會見 Paco，我即刻同佢講，我有啲歌已經準備好晒，有冇興趣聽？我想睇吓有冇機會。」於是 Michael親自填詞的三首歌成功出籠，第一首 MV已豪晒跑車、遊艇和直昇機，加上在唱片公司催谷下，家陣在小巴狂 loop令網友入晒腦。「我自己坐小巴都唔敢睇，怕旁邊嘅人以為我係睇佢哋反應！其實我只係坐小巴返屋企！」揸慣直昇機，都要坐小巴返閨㗎！
面對網友負評， Michael「哈哈」兩聲再說：「如果佢哋咁樣講，可能佢哋悶，冇嘢做所以畀呢個 comment！冇介意，呢個係我個 passion（熱誠）。」新人都要接受不同批評，出道 30年的 Michael點會介意呢！
'83出過泰文碟
|
鍾意就快D Share啦！
|
|
|
