16/2
江希文帶住歲半囡囡行超市，自己孭，自己推車、自己拎嘢，好難想像佢住緊獨立屋囉！
全知言
獨力湊女 江希文司機工人一腳踢
到底， 63歲全國政協兼資深大律師胡漢清（ Alan），同 43歲江希文（ Liz）嘅關係發展成點？應該要團圓嘅農曆新年佢哋又點過呢？全知言淨係知江希文好落力照顧囡囡，而胡漢清就連日都唔見人囉。
上月 16日，江希文單拖帶住囡囡去到數碼港公園散步，歲半囡囡 Natalie識行識走自己玩，江希文就邊睇邊微笑一副慈母樣，之後仲孭住囡囡行超市，身邊連一個工人都無，睇落都幾苦。之後佢哋就直接返沙宣道屋企，同樣地，車停正喺門口，超市買嘅嘢，都係要江希文自己拎。
直到上月 25日，即係初七人日，全知言喺大坑撞到江希文兩母女，當日江希文就約埋幾個女友人一齊，喺餐廳等位期間，佢就同囡囡影合照解悶。雖然同胡漢清關係仍然未搞得清，不過全知言都好欣賞江希文，咩事都好，小朋友係無辜嘅，呢樣嘢，江希文做得到。
|
鍾意就快D Share啦！
|
|
|
