2015年3月25日 星期三

唔想坐定定做主播 樹仁小花熱血新聞線 [FACE - 409 - 大專校園] MF,



鄭珊嬌( Alison)樹仁大學新傳系 Yr.2

Alison一心想做記者,採訪當日,不時主動向攝影師請教攝影技巧,「做記者梗係要主動問嘢啦,唔識就要問!」

U花 U草

唔想坐定定做主播 樹仁小花熱血新聞線

港視新劇《導火新聞線》睇到觀眾血脈沸騰,邊食花生邊睇班記者點為刮料摷垃圾桶,直擊兇殺案現場,帶牙刷返公司通宵趕稿好鬼刺激。

雖然記者工作辛苦,人工又低,不過讀緊樹仁新傳系 Yr.2的鄭珊嬌( Alison)就冇有怕,立志畢業後要做港聞版記者,想日日出去跑新聞。 19歲的她說:「細個好羨慕新聞主播又靚又專業,曾經好想做,但升咗樹仁之後,有一科規定要出去做三次訪問,試過訪問建制派、遊行去禮賓府同埋去中大民調新聞發布會,呢三次嘅經驗令我好難忘,過程中親身接觸到受訪者、自己寫稿、自己做 Live,好有挑戰性,比起做主播照稿讀有意義得多!」

只是 Alison天生女神樣,好有做新聞之花潛質,但佢偏偏坐唔定,寧願去兇案現場直擊新聞。「血淋淋嘅兇案場面?我驚㗎!咁唔通消防員有大火唔救咩,工作嚟㗎嘛!我仲知道初入職嘅記者人工未必有一萬蚊,不過唔係咩都向錢看嘅,學到嘢都未嘗唔係份好工啊,要我坐喺直播室等運到,我唔得㗎!」

在出名請靚女嘅咖啡弄做兼職侍應, Alison話經常有人問佢電話,不過嬌聲嗲氣嘅佢就話,「我冇拍拖,仲係單身㗎!」

Alison愛心爆棚,除咗做兼職侍應,仲有幫三個學生補習,有個靚女 Miss,學生妹妹當然 like!

鏡頭前嘅 Alison表現淡定,佢自稱全靠事前做足功課,「雖然唔係真係上電視,只係一份功課,但我都會事前做資料搜集,唔會馬虎!」

鍾意就快D Share啦!
Related Posts Plugin for WordPress, Blogger...