掃呢頁CODE去手機

2015年3月25日 星期三

點解廣東話咁好嘅?鄭容和開騷爆 high:你係我女神! [FACE - 409] 鄭容和,MF,



全晚一共唱咗 16首歌,鄭容和一直 high到尾,全無冷場。

全知言

點解廣東話咁好嘅?鄭容和開騷爆 high:你係我女神!

韓國樂隊 CNBLUE主音鄭容和,上星期四( 19日)喺香港亞洲博覽館舉行個人演唱會《 2015 JUNG YONG HWA LIVE in HONG KONG〈 ONE FINE DAY〉》,全知言係 K-pop迷,去捧場是常識吧!

同上年帶住 CNBLUE隊員嚟香港開騷一樣,容和 Oppa全晚都處於 high爆狀態,又勁識搞氣氛,除咗扮英國經典樂隊 Oasis的主音 Liam同 Jon Bon Jovi大唱英文歌外,最離奇係容和 Oppa全個騷都唔使用翻譯,大部份時間都以廣東話同英文同台下歌迷互動,而佢嘅廣東話亦超好,雖然歪音,但就無錯咁滯,話:「大家好,我係鄭容和!」講吓「我愛你」呢啲就預咗啦,之後容和 Oppa又話:「我係你男神,你係我女神!」全知言當然聽到如癡如醉啦。容和 Oppa繼續大晒語言天份,再講廣東話:「我好開心呀……仲有,喺香港開咗第一次嘅個人演唱會,因為有你哋嘅支持。我都好唔捨得……唉!」

一開始着住西裝現身唱〈 Without You〉同〈 Checkmate〉等等,都未開始爆汗,不過去到演唱會中段,容和件恤衫已經濕晒!

雖然缺少 CNBLUE其他成員,但勁識搞氣氛嘅鄭容和喺開場無耐已經話自己係 fans男神,而 fans就係佢女神,冧死人咩?

開騷前, fans排隊買紀念品,打晒蛇餅。

同 fans癲咗成晚,講咗鬼咁多英文同廣東話,鄭容和都大汗叠細汗,不過佢仍然繼續 high,最後以大熱新歌〈 One Fine Day〉結束首個喺香港舉行嘅個人騷。

開騷前一日,鄭容和去咗尖沙咀欣賞維港靚景。雖然有大堆 fans跟住,但佢都好興奮。

網上圖片

開騷前同結他手及鼓手等合照留念。

網上圖片

鄭容和父母都有來香港捧乖仔場,騷後鄭容和仲同媽咪喺後台影相留念。二人手持嘅 banner寫上釜山方言(鄭容和係釜山人),意思是「非常愛你」。

網上圖片

鍾意就快D Share啦!