2015年3月6日 星期五

高 Ling拖冧收視 朱慧敏強勢回家攞尾彩 [忽然1周 - 1023] 朱慧敏,MW,




風水輪流轉

朱慧敏早前被叮出師奶劇,高 Ling攝位成功做女一,如今朱回家救亡,高 Ling變相失勢,風水輪流轉。

娛樂喧

高 Ling拖冧收視 朱慧敏強勢回家攞尾彩

高海寧(高 Ling)去年 10月,憑請食飯兼送秋波雙辣招,成功𠱁掂監製徐遇安,踢走朱慧敏,攝位加入處境劇,取代做「馬壯」正印。

高 Ling生霸死霸以為係筍角,豈料演慣邪牌的她,卻唔得師奶觀眾歡心,連累收視跌破 17點,網民日日嗌腰斬!本刊收到消息,大台近日終順應民意,《愛•回家》有望五月摺埋,之前高調被 out的朱慧敏,日內將強勢回家救亡,同高 Ling爭馬壯,贏番個尾彩!

《愛•回家》播出近 3年,收視一直不俗,平均收視曾超越 25點,更試過成為三線劇集之冠,故由最初公布只播 180集至近月不斷添食至 800集,有望突破經典長壽劇《真情》成績。

高 Ling冧掂監製

翻生露玄機

早於一月尾時,有《愛•回家》劇組將朱慧敏送蛋撻返公司請監製徐遇安及劇組人吃的照片放上微博,「復出」一事已露玄機。

可是,此劇演員遠不及「叉燒炳」一家融洽,由去年開始是非不絕。劇中核心要角朱慧敏和蔣家旻先後被調離劇組,加入高 Ling和古明華等新角色。成功攝位取替朱慧敏做女一的高 Ling,同「馬壯」黎諾懿譜出新的感情線。據知,高 Ling為奪角,狂冧監製徐遇安,讓對方推薦自己給戲劇部話事人曾勵珍。知情人透露:「高 Ling不嬲好識𠱁高層,佢平時過時過節,都買定果籃返工探珍姐、樂小姐、 Sandy(余詠珊)同啲相熟監製,好識做人。之前佢成日放風話拍師奶劇啲同事個個爆騷,所以好想入組。當佢舊年收到風話《愛•回家》想換角嗰陣,佢即刻約珍姐同徐遇安食飯,又爭埋單,落足嘴頭話會俾心機拍。佢知珍姐唔鍾意藝人搞小圈子,佢就拍心口話會同啲同事好融洽,唔會好似 Queenie(朱慧敏)咁獨家村。」據知,高 Ling第一日開工,珍姐當住所有人面前點名要她在劇中戒性感,高 Ling即以高八度聲線賣口乖說:「知道啦珍姐,我以後日日着樽領衫開工!」

高 Ling踢走朱慧敏,高調入組,點知師奶一致唔 buy,更指她邪牌扮女神。加上該劇忽然加插大量新面孔,以致劇中人面目全非,令原有捧場客大量流失,收視亦由高峰時 25點跌至 17點。

回巢拗手瓜

眼見師奶劇「血流不止」,監製徐遇安和一班編劇連月來多次商討對策。據知,大部分編劇認為該劇已到無力回天地步,已開始着手度新劇內容,而新一套處境劇,將於五月中播出。除「佗衰家」高 Ling冇得留低,新劇將會再用原班人馬。同時,本刊收到消息,被狠心叮出律師樓的朱慧敏,日前已被徵召回家救亡。據一劇組人員透露:「嗰日珍姐同徐生(監製徐遇安) call齊啲編審開會,話就算收檔,好好醜醜都希望見番套劇收視回升。既然觀眾 buy馬壯同 Alex(朱慧敏飾)呢條感情線,索性搵朱慧敏返嚟!」據知,朱下周將會強勢回家,與馬壯拍攝一場回憶戲,令馬壯重燃對她的愛火。「情敵」回歸,更有望與馬壯臨尾來個燒雞翼大團圓。

感情事業得意

近年戀情浮面的朱慧敏及 Eddie,上周被發現十指緊扣到養和醫院探朋友。感情有着落,幕前事業亦有望翻身,難怪朱慧敏笑到蓮子蓉咁樣。

公布婚訊

屢傳婚訊的二人,日前終於在微博公布婚期為 2016年,二人更着情侶裝,錫錫額頭及拖手晒婚戒,寃氣到爆。

朱:盡自己責任

周一( 2日)本刊在化妝品活動上向朱慧敏求證被徵召回家一事,她大耍太極表示只接到初步通知,不欲多談:「其實我乜都未知,未睇劇本,都唔知有幾多戲,總之我到呢刻仲係公司員工,盡自己責任。」而有傳與朱不和的黎諾㦤,同日出席另一活動時,則透過經理人表示不回應。

感情有着落,朱慧敏亦風騷到爆,周一( 2日)她出席化妝品活動時,與人妻徐濠縈及馬詩慧交流心得,言談甚歡。

戰友幫襯

朱慧敏去年入股 Eddie新開的華星客棧做老闆娘,一班回家戰友不時幫襯吸人氣,如今生意已上軌道。

舊人救亡

去年尾同樣被踢走的蔣家旻,近日有幸復活,與拍檔李豪繼續談情。

網民唔 like高 Ling

高 Ling自去年 10月取替朱慧敏後,被網友群插「唔掂」,更有網民發起「罷睇」行動。

鍾意就快D Share啦!
Related Posts Plugin for WordPress, Blogger...