大胸 Yvette 疑似整容兼隆胸 [忽然1周 - 1023] BKD_S,MW,

2006年闊鼻胸平

Yvette以往鼻翼闊、下巴闊，身材一般。近年她鼻翼收窄、下巴變尖。

滾熱辣

大胸 Yvette　疑似整容兼隆胸

本刊上期踢爆吳浩康偷食嘅大胸妹 Yvette Chow，原來 18歲已經做人二奶，試過同人大婆攤牌攞掟煲費，同時間一腳踏幾船。在她的舊照中，更發現她疑似整容及上圍再度發育！

32歲的 Yvette，英文拼音為 Chow Lok Man，在翠屏邨公屋長大，自小無心向學，中學後轉讀職業訓練局，最終都係靠身材搵食。

據其相識多年的𡃁模好友爆料：「 Yvette 18歲已經做咗太子酒吧『 Party 16』老闆 Jacky嘅二奶， Jacky大 Yvette廿幾年， Yvette話明為錢至跟佢。 Yvette好狼死，試過同人哋個大婆攤牌吵大鑊。 06年，佢同 Jacky分手，仲周圍同啲姊妹講要 Jacky俾廿萬掟煲費。

「 Jacky兩年後要求 Yvette復合，但嗰時 Yvette已經同一個大陸武指一齊，不過佢又同番 Jacky一齊，一腳踏兩船。 Jacky老婆知道又再發癲，同 Yvette講數，最終 Yvette同 Jacky早幾年至真正分開。分開後 Yvette又識咗條水魚，係個四十幾歲嘅金融才俊，矮過 Yvette，但就好疊水。」

吳浩康不時孖住 Yvette夜蒲， Yvette更以「阿嫂」自居。吳浩康近年環境麻麻，有指 Yvette更不時照起吳浩康。

2015年窄鼻尖面

Yvette擁有 35E胸器，曾經拍攝內衣照，騷騷身材。

雙峰突出

曾做啤酒妹

Yvette行為豪放，玩到興起，同男性胸貼胸、面貼面合照是閒事。

其實 Yvette未入行做 model時，曾經做過嘉士伯啤酒妹，試過在馬會駐場賣啤酒。當時她鼻扁兼鼻翼闊、眼袋又大、身材平平無奇，但突然間變了間尺鼻，身材突出，後來更成功踩入 model界。

「 Yvette唔係好多騷行，不過佢依家出親騷，個男人都會揸架紅色法拉利接送。金融男友好錫 Yvette，出咗張黑卡俾佢，不過 Yvette就嫌佢矮過自己。 Yvette同武指仲一齊㗎，貪個武指靚仔吖嘛！至於吳浩康呢啲，大家都係打友誼波㗎啫！」 18歲就做二奶，現在更一腳踏三船，吳浩康呢個對手的戰績都唔弱！

鍾意就快D Share啦！

下一篇 》