2015年3月6日 星期五

吳君如睇起王菀之心口 [忽然1周 - 1023] 君如,王菀之,菀之,吳君如,MW,




君如講到興起,連老公都唔放過,話冇男人鍾意洗衫板,仲自爆老公鍾意佢手腳瘦,但事業線要勁!

媽咪姐

吳君如睇起王菀之心口

今年咁多部賀歲片夾擊,吳君如憑反串扮男人嘅《 12金鴨》,票房仲可以過二千萬,算係有交代喇!呢日佢就拖埋愛將王菀之( Ivana)去 apm戲院謝票同派利是,獲利回吐咁話。







媽咪姐都有去現場,仲聽到佢哋對話,真係笑鬼死!話說君如嫌 Ivana成日嗌減肥,但佢最 buy就係對方身材:「唔想佢減呀,拍戲見到佢嗰包米(上圍)真係好大,想開部《 12麒麟》捧佢呀!」聽見君如咁講, Ivana半講笑反問:「原來係想捧我包米。」嘩!兩位,話晒新年多小朋友去睇戲,講到咁露骨,收斂啲好喎!

Ivana被追問男友 Eric So對佢身材點睇?佢有啲尷尬話:「暫時未有嫌棄。」然後繼續派利是,轉移話題。

睇番君如同 Ivana舊作《金雞 sss》,佢哋嘅身材又係幾有睇頭嘅。

鍾意就快D Share啦!