為囡囡十級戒備 楊冪禁劉丹親友拜年 [忽然1周 - 1023] 楊冪,劉丹,MW,

劉愷威再追 B

劉愷威講到明追多一個：「我鍾意熱鬧，所以過幾年或者再要一個小朋友！」唔怪得咁聽老婆話啦，明白晒！

娛樂喧

為囡囡十級戒備　楊冪禁劉丹親友拜年

今年是楊冪劉愷威同囡囡「小糯米」的首個農曆新年，湊大８個月孫女的爺爺劉丹自然開心，仲事先張揚會帶孫女見親戚派利是。豈料新抱楊冪感冒，不但唔俾親友上劉宅拜年，更以流感肆虐為由，禁止小糯米出外拜年，劉丹局向親友開空頭支票。

劉愷威亦認老婆對囡囡十級緊張︰「佢抱個女都要戴口罩。」更謂為了家中金叵羅的健康，今年謝絕拜年。

楊冪去年 6月在香港生完囡囡小糯米，之後同老公劉愷威各有各忙，女兒就交由劉丹夫婦照顧。不過因為今年是女兒第一個新年，劉愷威兩夫婦幾經辛苦，終於安排到新年期間一齊放十日假，更帶埋小糯米返北京，同楊冪外祖父及外祖母首次四代同堂慶團年。

知情人士說：「今年北京天氣特別冷，小糯米只得八個月大，楊冪媽媽擔心小糯米唔習慣北方天氣，所以楊冪一家喺北京逗留三日後，楊媽媽就叫佢哋早啲返香港。」

楊冪呻病

2月 25日，楊冪在微博話自己感冒，雖然好攰，但時差關係瞓唔到覺，難怪心情麻麻。

劉丹與一班《愛．回家》演員感情要好，黎諾懿等人在劉愷威結婚時，更贈送楊冪多款金器。不過據知眾人今年都冇得上劉家拜年。

劉丹局出外拜年

劉丹夫婦為迎接小糯米首個新年，一早布置好家居。一向好客的他，仲約定朋友上門拜年兼睇 BB。可惜，初三（ 21日）楊冪返港就感冒，加上近日是流感高峰期，深怕招呼親友容易令病菌上門，惹病小糯米。

「楊冪同劉丹夫婦講明，唔想親友上門拜年，小糯米同佢兩公婆亦唔會出外。劉丹見新年流流，為免個仔難做，惟有兩公婆自己出去拜年。原本諗住可以見小糯米嘅親友都好失望，劉丹惟有笑笑口耍冧囉。」

記者致電劉愷威，他表示因為老婆感冒，為了小糯米及楊冪健康，在港期間亦極少出街:「呢個新年，我都係留喺屋企陪個女玩。太太係有幾聲咳，都自我隔離，唔敢離個女咁近，就算真係忍唔住好想抱吓個女，佢都戴口罩囉。早幾日佢已經離開香港返去開工囡囡明年大個啲先拜年」

周日（ 1日），楊冪由香港返回內地出席活動。在機場現身的她有助手攞行李，看來心情唔錯。

上年父親節，劉愷威大晒與女兒合照，這亦是小糯米唯一一張容貌曝光的照片。

楊冪為囡呷醋

小糯米周一（ 2日）第一次講說話叫「爸爸」。劉愷威心情自然靚靚，楊冪就扮唔呷醋，話有人對住公仔都係叫爸爸。劉愷威即刻冧番老婆，但留言話明係囡囡叫自己做爸爸。

小糯米黐爹哋

講起小糯米，劉愷威冧爆，更自爆小糯米黐佢多過黐媽咪。「今個新年我真係抱女抱番夠本。小糯米好似鍾意我呢個爹哋多啲，呢個女好奇心好重，聽到有少少聲就周圍望，見冇人理佢，佢又會𠵱𠵱哦哦，成個管家婆咁。」

劉愷威又話想同小糯米追個細佬妹。「我鍾意熱鬧，小朋友有兄弟姊妹，至知道乜嘢叫手足之情，所以過幾年或者再要多一個小朋友，睇緣份我同太太有共識，趁呢幾年賺多啲錢，個女大啲就多啲時間陪佢，因為佢依家已經識認人。」楊冪肯再造人，看來小糯米好快做家姐！

當眾換片

楊冪初三來港時，在機場被網友發現她親自替女兒當眾換尿片。

楊冪不時為女兒扮靚，早前更把她打扮成國寶，勁搞笑。

為了趕回家過年，劉愷威早前趕住為內地劇《千金女賊》埋尾。他飾演黑幫幫主，和內地女星唐嫣及台灣型男楊祐寧合作。

進擊的新抱

楊冪下嫁劉愷威，由籌備婚禮以至懷孕生女，一直做主導。而劉丹為免兒子難做，百般遷就楊冪。

女家霸婚宴

楊冪去年初在峇里搞婚禮，老爺劉丹局做主持。婚宴時，男家只分得半圍，劉丹更封嘴，不可洩露婚禮半句。

劉丹做外賣仔

楊冪原本想在北京生 BB，劉愷威幾番周旋，老婆才留港生女。楊冪生 B前，曾經扭計要食薄餅，劉丹亦只好幫新抱做「外賣仔」。

劉太執補藥

劉丹夫婦輪流侍候楊冪坐月，劉丹有空就打高爾夫球，避免打擾新抱。而劉丹太太更要藥房、街市兩頭走（圖），為新抱執藥補身。同期楊冪父母雖然亦在港，但兩人就四圍 shopping。

全片:
[疑似楊冪被迷姦片 (獨家大頭版)] 楊冪, http://hittshow.blogspot.hk/2015/05/fb-download.html

鍾意就快D Share啦！

下一篇 》