搵亞視嘟姐幫拖 導演齊昕有排鬥 [忽然1周 - 1023] 亞視,齊昕,梁齊昕,MW,

媽咪姐

搵亞視嘟姐幫拖　導演齊昕有排鬥

有 689之女梁齊昕嘅地方，就有大把花生任剝！上期《忽周》啱啱訪問過「慧眼識齊昕」嘅導演劉俊輝，佢當時話自己做緊「馴獸師」，但就好有信心話「齊昕會照拍」。之但係，做得 CY女，難啃是常識吧？

話口未完，周二（ 3日）阿劉導演就開記招插爆近排再失蹤嘅梁齊昕，話佢簽咗約拍《男極探射燈》，但不斷失場，累佢無咗 7位數字咁話，「唔知會唔會告佢，或者就大方算數，或者告到底。我講嘢模稜兩可？我活學活用啫，或者佢（梁齊昕）聽日俾晒錢我至算數。」嘩！句句有骨。而齊昕就即日發律師信回敬。係喎，差啲唔記得齊陰 BB讀法律㗎！

其他影片：>>齊昕開會時笑時喊　新戲延遲開拍　導演：變咗馴獸師
>>討厭娛樂圈　唔係發明星夢　梁齊昕：我唔想出名
>>導演人前開火　背後搵人幫拖　齊昕唔撈　亞視嘟姐頂上
>>解構梁齊昕怪行　李逸朗：普通人一個
>>鬧完梁齊昕　猛火王晶女向食環署挑機

Well，媽咪姐仲收到風，原來劉導演早就有兩手準備，話說佢喺二月頭已經搵過有亞視嘟姐之稱嘅筱靖拍《男》片，不過當時人哋見撞期，推咗。跟住 2月 10號劉導演就大鑼大鼓話搵到齊昕做套戲嘅女主角。咦？咁特首女係「脫穎而出」定執二攤呢？但依家唔重要嘞，重要嘅係劉導演開聲討記招前，又搵番亞視嘟姐。

筱靖就直認：「其實我都睇過吓劇本同角色，導演就冇正式接觸，係透過朋友搵我囉，演員好被動，到時睇吓有冇緣份合作囉。（咁即係頂替齊昕？）嘩，佢身份咁特別，邊有人取代到佢呀？」

亞視嘟姐又講得啱，阿齊陰 BB次次有新招，上晒身做晒「神功戲」！ 689都搞佢唔掂，睇嚟只得開記招都七情上面嘅劉導演可以頂得住，要加油呀！小二，花生！

《蘋果日報》圖片

自哭腔〈傻女〉大 hit，李逸朗呢排有戲拍，開音樂會又有特首女撐！就算佢接拍《男》片至今未收到前期片酬，但賺晒人氣，可以講係呢場世紀騙案大龍鳳嘅終極贏家呀！

「亞視嘟姐」筱靖話劉導演透過《男》片第二女主角 Regine（亞視出身）搵佢加入，但自己仲考慮緊。

鍾意就快D Share啦！

下一篇 》