全城熱爆的娛樂八封新聞 & 時事趣聞 & 生活 + 趣聞
雖然貴為少奶奶，但劉小慧買餸都自己揀，冇話怕污糟㗎。
草蜢成員蘇志威近幾年撈得風生水起，又開舞室，出埋自家禮服品牌，晉升為蘇老闆。日前媽咪姐就撞到蘇太劉小慧去買餸，當日所見，佢除咗有兩個工人跟身外，再加一個司機，陣勢差啲比 689出巡仲犀利。曾經係玉女歌手嘅劉小慧依家身形都好有睇頭，雖未至於脹爆，但都珠圓玉潤，富泰少奶奶咪就係佢囉！
劉小慧買餸，兩個工人、一個司機（右圖），再睇吓工人甲咁有分量，簡直可以抬走整個街市咁款。
蘇老闆話出年 50歲，有藉口可以再拍結婚相，咁富泰小慧依家開始減肥都得
