台灣天團S.H.E.成員Selina任家萱同老公張承中結婚三年，外間一直認為阿中對老婆好體貼、專一，點知竟然爆出阿中背住Selina，夜會濃妝辣妹。
本月3號凌晨，阿中同濃妝長髮辣妹同一男友人，嚟個40分鐘唱K短聚，其後三
人更疑似「有下場」；落車後，阿中刻意將一男一女拉埋樹後面，行徑古怪，睇嚟佢相當心虛。
身有屎嘅阿中突然自己走入便利店買嘢飲，呢個咁詭異嘅舉動都唔係第一次見，每當佢「feel到」被跟蹤就會入便利店買茶，出嚟嘅時候再周圍𥄫，視察環境。
其實自Selina被火燒傷以來，阿中都好似對老婆無微不至，兩人早前仲一齊去咗馬爾代夫度假，估唔到竟然爆出夜會濃妝辣妹嘅消息啊！
