松田聖子眼紅中森明菜 [忽然1周 - 1029] MW,

永遠的死敵

明菜今年 1月宣告復出，但到目前為止，都係見聲唔見人，但啲碟依然賣得，真係吹脹！

出外埠

松田聖子眼紅中森明菜

華原朋美為出道 20周年積極重生， 54歲嘅松田聖子亦喺今個月嘅 1號迎嚟出道 35周年，不過就傳出佢要跳槽嘅消息喎！同中森明菜鬥足 30年嘅聖子姨，由 09年開始就簽咗俾環球音樂，一心想喺海外發展，可惜咁多年嚟，佢根本就冇 hit歌。反而死對頭中森明菜呢，不單簽埋俾環球音樂，而且舊年 8月推出精選專輯，喺既唔露面又冇宣傳下，竟然賣超過 25萬張！聖子已經非常葡萄，最激心係今年 1月明菜宣告復出後出首張新單曲，都比聖子姨嘅新碟賣得好。唉，明明自己同明菜都屬環球音樂，但公司乜都就晒明菜，令佢又嬲又失望。今期《女性自身》報道，聖子決定今年 6月合約滿咗之後就走人，據聞佢已經開始周圍放聲氣搵窿路啦。

本來聖子姨喺 14年紅白壓軸演出，收視以 47.5%勝過喺美國作傳真表演嘅中森明菜，可惜得番嚟嘅迴響就輸俾明菜，搞到聖子姨條氣 chok住 chok住。

聖子姨（右）同明菜差唔多同期出道，可惜一直以嚟俾明菜騎住，難以發圍，故一直視明菜為心頭刺。估唔到事隔 30年，呢條刺依然頂心頂肺，難怪聖子姨勞氣嘅！

鍾意就快D Share啦！

下一篇 》