JM大髀任你摸 [忽然1周 - 1029] JM,文詠珊,MW,

有一幕 JM着住高衩裙俾人摸大髀，佢就話：「我角色要做到好 cool，最驚唔係會蝕底，反而驚忍唔到笑。」睇佢又真係幾 cool喎！

媽咪姐

JM大髀任你摸

媽咪姐幾時都話有心唔怕遲，好似 JM文詠珊咁，喺金句王公司「被偷走了五年」，冇乜機會發圍。離開之後，終於有運行，工作排到密密麻麻，除咗喺強國連拍兩套劇外，下月初上嘅新戲《赤道》，佢仲係唯一女角，拍住一堆型男同影帝。雖然同昔日好姊妹 Angelababy相比仲有段距離，但依家只係 26歲嘅佢，要發力未算遲囉。

其他影片：>>JaniceMan透視兼被摸大脾

JM喺戲中孖實頭號通緝犯張震做雌雄大盜，有唔少打鬥同開槍場面。但未做過打女嘅佢，唔識就位打到周身瘀。 JM仲話自己提前半年鍛煉身手，日日打 boxing同泰拳：「雖然拍嗰陣好辛苦，但出嚟嘅效果好好，我覺得辛苦都值得。」

有得拍住張學友、張家輝、仲有韓國型男池珍熙同崔始源，呢啲機會唔係人人有，辛苦啲都抵況且你啱啱趁升市放咗「港交所」賺成百萬（ JM話佢上年喺$125呢個價位買㗎！）嘩，睇嚟好運跟住嚟喎。

揸住槍做反派嘅 JM，台型唔錯，加埋件 see through，贏晒

張震同 JM演雌雄大盜，睇佢哋講數個樣，嘩！殺氣呀！

錢嘉樂教路

由於 JM以前未做過打女，每個動作都搵錢嘉樂跟住，喺側邊教路，等佢打得似模似樣。

影帝鬥歌

學友同家輝呢對「失散兄弟」，一個演教授，一個做差人，唔使埋位嗰陣，就會鬥歌。不過家輝話：「學友啲歌好難唱，嗌到阿媽都唔認得，佢都笑鬼我！」

除咗有本土影帝助陣，仲有兩位韓國外援崔始源同池珍熙演出，咁多型男，真係睇到眼花。

余文樂着住避彈衣，本來應該好型嘅。但佢等埋位開工，同工作人員玩到反晒眼，搞笑咗啲。

估唔到一句靠嚇廣告「香港安全嗎？」，隧道公司就唔俾《赤道》落廣告。乜原來香港真係好危險，講吓都唔得？

鍾意就快D Share啦！

下一篇 》