全城熱爆的娛樂八封新聞 & 時事趣聞 & 生活 + 趣聞
亞視不獲續牌，好彩亞視嘟姐筱靖嘅家族拎咗「捷榮」咖啡中國總代理。周日（ 12日）佢就以「公關總監」嘅身份出席首屆烘焙展活動，仲收起平時嘅性感。不過喺班叔叔行家裏面，已經搶晒鏡。媽咪姐愈睇愈覺得佢似大台姐仔李詩韻（已改名為李施嬅），無論面形、笑容同 pose都好似失散姊妹呀！筱靖聽到都笑住話：「我本身唔識佢（指李）。不過，我真係試過喺街俾人當咗係佢，仲猛嗌我『李詩韻』，好搞笑！」唔驚許志安都成日俾人嗌錯做杜德偉㗎。
筱靖首次以「公關總監」嘅身份出席首屆烘焙展活動，雖然收起性感，但都露吓美腿。
講起李施嬅，佢前排去咗新加坡拍劇，可能食得喇沙多，多咗個腩仔喎！
