Keep住陳凱琳 餵飽劉佩玥 何猷亨分散投資 [忽然1周 - 1029] 凱琳,劉佩玥,猷亨,何猷亨,陳凱琳,MW,

媽咪姐

Keep住陳凱琳　餵飽劉佩玥　何猷亨分散投資

今年年頭，媽咪姐率先發現賭王四太大仔、 23歲嘅何猷亨對前年港姐冠軍陳凱琳勁嗒糖，仲喺凱琳 BB個 ig瘋狂留言，不過人哋唔騷佢。陳凱琳依家反而同做得佢老竇嘅鄭嘉穎有條 road。

其他影片：>>食硬四太仔　劉佩玥風騷
>>劉佩玥攀登豪門 3大法則
>>許亦妮黃心頴都吼富二代

追唔到阿一，何公子退而求其次追同屆阿三、 25歲嘅劉佩玥。據啲富貴靚太 friend講，佢哋兩個係喺今年 1月嘅保良活動識咗，何公子繼而抄埋牌。唔知何公子係咪聽到媽咪姐上次同佢講話追女仔唔好齋 talk，要俾誠意！早前佢就被影到紆尊降貴咁買意粉消夜同劉佩玥「踎街」食，據聞仲摸手仔㖭，查實佢哋已經暗撻兩個月！劉佩玥拍嘢要開夜，何公子都必定做外賣仔。劇組人員話：「見過佢最少兩次送吓壽司咁囉，不過佢淨係買俾阿 Moon（劉佩玥）㗎咋，仲懶避忌咁。」

呢邊廂同劉佩玥打得火熱，其實暗地裏何公子對凱琳 BB仲未死心㗎！嗱，何公子上次死口唔認有 ig account，佢俾媽咪姐踢爆後，即刻改名兼換相，但直至依家仲有喺凱琳 BB個 ig留言㗎！嘩，痴心情長劍呀∼∼

等媽咪姐教多阿何公子你一招做人最緊要有承擔，做得出就唔怕認。賭王幾咁風流倜儻，四太又八面玲瓏，你咁近城隍廟，快啲返屋企學嘢

周三（ 15日）劉佩玥出席美容活動，被大班記者包圍。佢唔認拍拖，但就大讚猷亨：「佢真係好有心，買嘢俾我食。（你哋仲摸手仔喎？）冇，真係冇摸手仔，只係我哋傾嘢比較搞笑，所以我大動作咗少少，冇真係掂落去㗎。」啱嘅，呢啲梗唔會喺街做。

陳凱琳愛佬味

本身都係有錢女嘅陳凱琳，唔吼四太仔。周三（ 15日）佢出發去荷蘭拍新劇《殭》，仲唔怕人講，公然狂𥄫緋聞情人鄭嘉穎。兩個死唔肯合照，拉陳山聰同黃又南做電燈膽，小家囉！

公子多情

今年年頭，四太仔以 ayhho呢個名，喺陳凱琳 ig狂表愛意，當時佢仲話劉佩玥唔夠凱琳 BB靚㗎！

轉戶再追

自從被踢爆追唔到陳凱琳，猷亨即由 ayhho轉名為 bi繼續 follow凱琳 BB個 ig，最近見人放靚相，又留言示好嘞。

一班「富二代」唔止一張相 tag咗猷亨個名，其中一張喺早前保良局晚宴朋友仲寫晒話恭喜猷亨成為總理。嗱，唔好又話唔係你、或者 tag錯名呀何公子。

多女埋身

唔好理靚唔靚仔，總之有錢就唔愁冇女。貴為何家公子，一次過三件女伴，難怪猷亨個樣咁爽 YY啦。

鍾意就快D Share啦！

下一篇 》