2015年4月17日 星期五

老公未過破產期 陳慧珊搬入豪宅買 Benz [忽然1周 - 1029] 陳慧珊,MW,



你仲有冇嘢講!唔該哂!(真實對白)

滾熱辣

老公未過破產期 陳慧珊搬入豪宅買 Benz

44歲陳慧珊( Flora)自 2012年開始,因為老公鍾家鴻( Mike)投資失利導致欠債破產,她不得不獨力孭起頭家。

陳慧珊復出拍劇,氣燄愈來愈盛,難怪是非不斷,工作量大減。自年半前拍罷《女人俱樂部》後,陳慧珊直至最近才開工拍《波士早晨》。曾強調經濟冇問題的她,的確財來自有方,今年初先購入 47萬的新 Benz,又愈住愈貴,搬到月租 8萬的壽臣山麒麟閣。難怪她繼續天后脾氣,被指拍劇黑面掟劇本。







自從老公鍾家鴻破產後,陳慧珊便要孭起頭家,負責女兒鍾律然每月近萬元的學費,兩年前更由月租 5萬的薄扶林冠冕臺搬到同區的舊樓暫住,並賣掉心愛的百萬 Benz座駕。

表面上陳慧珊一家的生活比以往降格。當時她為𢱑銀,答應大台復出拍《衝上雲霄 II》,但到劇集正式開拍,她突然向監製梁家樹辭演,宣布重返校園讀英文,並話自己「經濟狀況冇問題。」

陳慧珊對住記者就黑口黑面,但見到 fans送禮就笑到見牙唔見眼。

47萬買 Benz

陳慧珊老公 Mike所揸的 Benz,登記資料顯示是今年 2月才買的。

14年推出嘅 Benz GLA250 4MATI,內櫳闊落又慳油,啱晒做家庭車。

未知係咪因為破產令未解除,上月 17日鍾家鴻揸住新車帶同女兒和女傭到超市買麵包和朱古力,並沒有到其他地方豪使。

8萬月租壽臣山

壽臣山道麒麟閣月租 8萬,近年工作不多的陳慧珊竟然可以租得起,財來自有方!

一年拍一劇

去年陳慧珊頂替李麗珍登台,乘機袋番少少幫補吓。

老公鍾家鴻破產後,全職湊女,亦為陳慧珊做經理人。不過陳慧珊的人氣及工作量已大不如前,近年一年只接拍一劇,去年更要到內地拍《港媳嫁到》,由以往做開女主角紆尊降貴做配角,之後她進入「休漁期」。只是去年十月,因李麗珍傷腳關係,由她頂上到雲頂登台,之後便「冬眠」起來,直至最近才為新劇《波士早晨》開工。

停工半年的陳慧珊,兩個月前卻以 47萬購入一輛新 Benz,並搬入月租 8萬的壽臣山麒麟閣,突然富貴。

上月 17日下午三時許,陳慧珊老公揸住剛落地的新 Benz,載女兒及女傭由新居到陽明山莊的超巿 shopping,逛了半小時後,便折返回家。

其實除搬了新居,陳慧珊以公司「 TALENT HUES MANAGEMENT LTD.」持有的車輛多達三部,除了新 Benz外,還有一部 98年以 30萬購入的寶馬, 01年以 41萬買入嘅銀色 Benz。上月 13日,陳慧珊就是揸舊 Benz返大台為新劇開鏡,新車反而留給破產的老公享用。

夫妻財政獨立 破產都可以豪

陳慧珊老公破產後仍可以住豪宅揸靚車,根據梁永鏗律師表示:「如果夫妻財政獨立,咁先生破產其實冇影響太太。即使全部嘅嘢(支出)都係太太負責晒,佢先生冇嘢做,日日坐喺度用太太嘅錢,都冇問題!如果架車係太太個名,借架車俾先生揸亦都可以。」

收入少支出大

過去三年,陳慧珊工作少之又少,平均一年一劇,三年搵約 200萬。今年頭 4個月粗略估計必須開支已花掉 110萬,相信 200萬唔搣得好耐!

掟劇本拒回應

再次拍劇的陳慧珊,似乎不太適應大台的運作。據知她拍攝時要求多多,與其他演員甚少交流。周日( 12日),陳為新劇到黃竹坑拍外景,甫見記者探班即黑面,不時避開鏡頭,之後她更發脾氣將劇本掟落地要 PA執。本刊記者問她讀博士學位情況,她即板起塊面避開鏡頭說:「唔該晒!」

零交流

本月 12日陳為新劇拍外景,雖然和黃智賢為男女主角,但埋位前兩人幾乎零交流,陳慧珊只顧自己照鏡。

雖然黃智賢同陳慧珊冇嘢講,但見到陳慧珊囡囡到場探媽咪班,佢都主動行埋去逗佢小朋友玩。

黑口黑面

陳慧珊埋位前沒有與工作人員打交道,不時發呆諗嘢。

見女兒展歡顏

陳慧珊代步嘅 Benz, 01年落地,揸足 14年。

大圍記者離開半小時後,老公揸新車載女兒來探班。黑了成日面的陳慧珊,見到女兒終於露出罕有的笑容,「 Flora(陳慧珊)睇唔起班工作人員,對人哋粗聲粗氣,一唔鍾意就講句英文嚟寸人,劇組唔少人要受佢氣,演技又退晒步。」幕後工作人爆料。

據知陳慧珊為人孤傲,已令不少人卻步。大台為免自找麻煩,據知拍罷《波》劇後,無意再與她續約。不過陳慧珊亦深知在呢行撈唔耐,所以疊埋心水,今年 9月供讀港大英文系博士學位,之後打算赴美國教書,正式過「鬼婆」生活。

唔掂都風光

娛圈不少人都會搞生意或投資,可惜好多到最後都損手離場,嚴重的甚至要破產,不過一班藝人總有辦法維持他們有質素有品味的生活。

鍾鎮濤 破產照遊埠

阿 B鍾鎮濤在 97金融風暴投資失利,負債超過 2億元, 02年 7月向法庭申請破產,同年 10月法庭頒布破產令, 2006年 10月屆滿。雖然破產期間阿 B工作收入要還債,但因有富貴女友范姜照顧,阿 B依然可以遊埠飲紅酒。

楊采妮 執笠照買車

1997年楊采妮息影從商,和丈夫邱韶智合資搞生意,可是 03年公司倒閉,楊要復出拍片。有傳當時邱韶智曾申請破產,但楊否認。雖然公司唔掂,員工更上勞工處追討欠薪,但楊采妮依然有錢買積架新車。

章小蕙 繼續豪買衫

97年章小蕙雖然陷入二億五千萬的債務,但仍揚言「飯可以唔食、衫唔可以唔買」,繼續豪買生活。

鍾意就快D Share啦!
Related Posts Plugin for WordPress, Blogger...