張栢芝 2010年曾打本過百萬予栢文開酒吧,當時栢芝更拉埋謝霆鋒在酒吧開張時現身撐場。
娛樂喧
栢文欠租龜縮 張栢芝懶理
一向愛錫家人的張栢芝,曾打本給細佬張栢文做生意,又贈名車,對他愛護有加。不過有傳栢芝自從發現細佬買車報大數之後,兩人姊弟情大不如前。
早前,本刊發現栢文租住的土瓜灣昇御門單位,遭戶主及法庭在門口貼滿通知書追數,直指他欠租半年共 8萬多。本刊致電張栢芝,問到細佬欠租一事,她透過經理人表示:「呢個佢自己事嚟㗎喎!佢自己會處理㗎喇!」據知栢文因欠租龜縮朋友家,記者致電他時竟然扮收唔到匆匆收線。
栢芝一向照顧家人,尤其對兩個細佬豪龍及栢文疼錫有加。豪龍教滑水,栢芝便介紹不少明星客給他,姊弟情深厚。栢芝多年來一直為家人提供衣食住行,不過近年她工作量銳減,又移居新加坡,所謂長貧難顧,難免對家人閂水喉。
買車食價失寵
張栢芝本來也十分愛錫栢文, 2010年更打本予他開酒吧,當時栢芝及謝霆鋒更為酒吧開張撐場。不過,後來有傳栢文借買車為名,向栢芝報大數從中「食價」,栢芝揭發真相後,十分震怒,自此兩姊弟親密關係不再。
「栢文好識冧家姐,栢芝都試過送架二百萬嘅二手賓利跑車俾佢。有人見好唔識收,有次買車仲報大數,個差價成 80萬。栢芝知道後好嬲,加上栢文繼續洗腳唔抹腳,所以栢芝惟有閂水喉。」
其實近年張栢文最大的新聞,就是追咗𡃁模 Jeana(何佩瑜),但搞親生意都冇起色,搞完酒吧再搞泰國雪條進口。去年他與 Jeana分手後,以萬四蚊月租土瓜灣昇御門一個單位,繼續富貴生活。
「栢文上年年初仲成日叫朋友上佢屋企玩,當時佢成日強調自己好好景。不過上年尾開始,佢冇再招呼朋友。最近聽街坊同看更講,栢文因為欠租而潛水,大家至知咩事!」知情者說。
本刊早前上門,發現栢文已搬離上址,大門外貼滿法院及戶主委託律師樓的通知書,內容直指栢文欠戶主半年共 8萬多租金。記者致電戶主委託的律師樓,其負責人表示栢文自去年 4月開始欠租,他們一直追討,但栢文未有回覆。
栢芝:應該問番栢文
本刊就欠租一事致電張栢文求證,但他聽到欠租一事,即扮收唔到匆匆收線。
記:喂!栢文?
栢:邊位?
記:聽講你欠租,業主仲出律師信告你?
栢:咩呀?我依家唔係好得閒,我可唔可以遲啲打番俾你呀?
記:家姐栢芝冇幫你咩?
栢:喂?喂?喂?聽唔到!(隨即 cut線。)
記者亦嘗試透過 WhatsApp聯絡栢文,但栢文看過訊息後一直未有回應。至於栢芝則透過經理人 Emily回覆:「吓?呢個佢自己事嚟㗎喎!佢自己事,自己會處理㗎喇!」栢芝拒幫手,一向倚賴家姐嘅栢文,今次應該好頭痕。
紅星至親唔長進
唔少紅人至親都唔長進,捲入欠債漩渦,搞到最終一家人都要決裂收場。
鍾意就快D Share啦!
|
|