全城熱爆的娛樂八封新聞 & 時事趣聞 & 生活 + 趣聞
港姐出身嘅袁彩雲生咗個女，但身材依然 keep得唔錯，睇嚟佢好快可以晉升到「美魔女」行列。
袁彩雲（ Fiona）自從同加拿大飲食才俊江銘鋒（ Anthony）結婚後，一直養尊處優，生咗囡囡江軒慧（ Alycia），更係全職湊女，生活優游。
日前， Fiona出席一個品牌活動，穿着一條露肩連身裙，完全演繹出乜嘢叫做簡單就是美。咁仲未算，埋身細睇，嘩， 39歲嘅 Fiona，啲皮膚又白又滑，一啲瑕疵都冇，靚過好多十八廿二嘅大台小花呀！真係羨慕死媽咪姐囉！
皮膚靚到連眼紋、頸紋都冇乜嘅 Fiona，絕對得天獨厚。
Fiona呢隻手錶絕不簡單，係價值過 10萬嘅卡地亞白金坦克系列嚟㗎！
除咗 Fiona外，仲有好耐冇見嘅黃佩霞都有出席。身材「健碩」嘅佢，就靠心口嗰條事業線搶晒鏡嘞！
Fiona囡囡 Alycia差唔多兩歲，好鬼得意，係 Fiona同老公 Anthony嘅心肝椗。
