全城熱爆的娛樂八封新聞 & 時事趣聞 & 生活 + 趣聞
為部戲隔空互寸，俾人話不和，鎮宇同任達華交足戲，影相企到隔幾個身位。其實佢哋講笑，話要預位 key鄭浩南同古巨基落去。
唔想成為目標，真係要醒定啲。好似任達華咁，之前有事冇去電影《衝鋒車》宣傳，就俾吳鎮宇話佢掛住旅行。媽咪姐呢晚去咗慶功宴，就聽住佢哋見古巨基唔在場，就埋怨話：「（古巨基）除咗去內地一次，香港宣傳都冇嚟過。」鎮宇仲抽水話：「唔嚟嗰啲先係阿哥。」跟住佢又食住任達華上：「都係你帶頭囉，帶頭唔嚟！」搞到任達華笑住打佢。查實佢兩個加埋都過百歲啦，邊個得閒咪邊個嚟宣傳囉，又唔使吓吓計到咁足嘅，有來有往嘛！
做戲做全套，要唔啱就要做出面。睇佢哋扮晒嘢個樣，真係好好笑。
鎮宇之前寸任達華唔做宣傳，呢日華哥就向佢問罪，鎮宇惟有尷尬咁笑。但睇佢棚牙咁多牙石，就知佢真係忙宣傳，連洗牙都冇時間囉。
之前嘅電影宣傳，任達華同古巨基又真係冇去過，吳鎮宇詐型又係有道理噃！
