網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月10日 星期五

鄭希怡B女肺功能麻麻 急送ICU 鄭希怡,



鄭希怡(Yumiko)前晚誕下重5.5磅的B女,惟B女腳上掛有血氧測量感應器,健康狀況令人擔心!當晚B女被拍得轉送東區醫院,據知B女因肺功能麻麻而掛上測量含氧量的感應器,更要轉往設備齊全的公立醫院初生嬰兒深切治療部(NICU)觀察,令這對新手父母憂心忡忡!

因囡囡的肺功能麻麻,需留在氧氣箱觀察,令新手媽咪Yumiko憂心忡忡!

Yumiko老公Andy昨晚七時半抵達醫院,他承認擔心B女。

前晚十時許,Yumiko的B女在醫護人員陪同下登上救護車,直駛東區醫院。

前年與任職化妝師的男友梁學儲(Andy)拉埋天窗的Yumiko,去年一擊即中懷有B女,並公布預產期為四月。初為人母的Yumiko前晚終在Facebook報喜,上載一張寫有「4.8」的初生B女腳仔相,並在電話中分享囡囡重5.5磅,更笑言暫為BB改名「梁(涼)浸浸」!Yumiko喜訊一出,獲梁漢文及張致恒等好友恭賀,惟前晚十時許,本報記者發現Andy與躺在氧氣箱的B女,在醫護人員陪同下由港安醫院登上救護車,並直駛東區醫院,令人擔心B女是否健康出問題!

未改英文名

據悉B女目前在東區醫院的初生嬰兒深切治療部(NICU)留院觀察,情況並無大礙,但由於B女的肺功能麻麻,故需留在氧氣箱觀察,而鑑於公立醫院的設備較齊全,所以才為B女轉院。其實觀乎Yumiko上載的腳仔相,清楚見到B女腳上掛有監察含氧量的血氧測量感應器,B女轉院早已有迹可尋!Andy昨晚現身東區醫院探女時表示囡囡情況OK:「冇乜特別,情況OK,唔使擔心。」並表示探完B女會回程陪太太。

Andy約七時半抵達醫院,起初他想由側門進入,惟記者太多而改由正門進院。他透露BB情況OK,但坦承擔心B女:「都擔心,都探咗BB先過嚟,不過醫生話BB OK,過兩日就可以搬離ICU。(Yumiko呢?)呢兩日都可以出院。(佢擔唔擔心?)都擔心。」問到BB何事轉院?他說:「BB呼吸麻麻哋,依家OK,冇乜大礙,有影多幾張相畀太太睇。(BB飲奶OK?)都OK,(有冇重咗?)冇磅到。」初為人父的Andy坦言心情興奮:「未改名,(改英文名先?)會同太太傾吓,我哋今晚唔走喇!」並稱為太太買了外賣。

因設備問題轉院

其實Yumiko昨日凌晨二時許,曾透過經理人霍汶希(Mani)報平安:「BB觀察緊,暫冇大礙。」但當時堅拒透露詳情。為免外界擔憂,Yumiko中午再透過Mani回覆:「BB依家喺ICU,希望佢快啲出嚟。」又解釋BB轉院的原因,惟不想透露BB身在何處:「因為BB原本嘅醫院冇嗰個需要嘅專業儀器,係設備問題,所以轉去公立醫院,多謝大家關心。」Mani更多番強調BB冇問題,惟Yumiko暫未獲醫生批准離院探望B女!

因囡囡的肺功能麻麻,需留在氧氣箱觀察,令新手媽咪Yumiko憂心忡忡!

Yumiko老公Andy昨晚七時半抵達醫院,他承認擔心B女。

前晚十時許,Yumiko的B女在醫護人員陪同下登上救護車,直駛東區醫院。

鍾意就快D Share啦!


Related Posts Plugin for WordPress, Blogger...