佗 B三個月 湯盈盈犯禁食凍嘢 [忽然1周 - 1028] 盈盈,湯盈盈,MW,

娛樂喧

佗 B三個月　湯盈盈犯禁食凍嘢

49歲錢嘉樂和湯盈盈的女兒錢凱晴（ Alyssa）已經兩歲，兩公婆一直計劃追仔。早兩個月，佗 B未滿三個月的湯盈盈唔怕 BB小器，忍不住同身邊姊妹分享喜悅，錢嘉樂更開心到出面，直認明年再做老竇。直至本周一（ 6日)，佗 B滿三個月的盈盈終於在微博公布。

一般大肚婆雖然喺懷孕初期會戒食生冷嘢，但鬼妹仔性格的湯盈盈卻百無禁忌，孖住即將生得的好姐妹周家蔚齊齊食乳酪！

其他影片：>>湯盈盈佗 B食凍嘢

本周一（ 6日），陳小春在節目中爆兄弟錢嘉樂再做爸爸。同日湯盈盈獲悉被小春「出賣」後，笑指：「古惑仔冇義氣出賣兄弟！」並於同一晚在微博公布有喜消息。

其實嘉樂恨仔恨到發燒，一早同老婆湯盈盈有共識，戮力追仔。早前，本刊更發現懷孕未夠 3個月的盈盈，孖住即將生得的好姐妹周家蔚在尖沙嘴 K11行街街，其間，兩人經過乳酪店即興奮到店內買乳酪。周家蔚臨盆在即，食乳酪合情理，但剛懷孕的湯盈盈卻懶理懷孕初期戒食生冷嘢禁忌，食埋一份！

「盈盈一向鬼妹仔性格，上次佗囡囡凱晴嗰陣都冇戒口，魚生照食。我哋成日都有提佢要戒口，但佢就意見接受態度照舊，我哋都冇晒佢符！再講佢始終係高齡產婦，成日叫佢休息多啲唔好周圍去。嘉樂好緊張，叫佢唔好去太多人地方，怕流感呀。」知情者說。

今年 3月中，本刊發現懷孕未夠 3個月的湯盈盈，孖住好姐妹周家蔚到 K11乳酪店。

湯盈盈懶理懷孕初期戒食生冷嘢禁忌，與周家蔚買乳酪食。

面對咁靚嘅乳酪，盈盈當然忍唔到口。

最後兩人買走兩大杯乳酪，懷孕的湯盈盈全程對周家蔚照顧周到。

周一（ 6日）晚，湯盈盈在微博留言宣布自己有喜 3個月。

去年錢嘉樂、陳小春聯同其他古惑仔一齊參與《歲月友情演唱會》，情同手足。沒料到小春竟然會出賣嘉樂，大爆盈盈已經懷有第二胎。

盈盈上載 2歲囡囡錢凱晴（ Alyssa）抱住自己嘅大肚相，宣布再做媽媽。

騷照睇舞照跳

除了食乳酪，盈盈早前與嘉樂去睇鄭敬基與李逸朗的《我們的哥歌一夜音樂會》時，亦不顧有身孕，跟在場的人一起勁舞。鄭敬基似乎早知盈盈有喜，刻意指向她的方向表示：「懷孕或懷孕兩個月嘅就唔好跳喇！」離場時，嘉樂不時提點，又全程傍實太太，盈盈才記得用手護肚，避免撞到腹中 BB。

談到盈盈懷孕，錢嘉樂日前雖然沒有正面回應，亦難掩興奮心情說：「希望一六年再做老竇一切都係計劃嘅，想個女有伴，兩姊弟又好，兩姊妹又好，年齡唔會差咁遠囉。好似我同阿哥錢小豪一樣，差唔多年紀，由細到大可以玩埋同一樣嘢，冇隔膜。」

盈盈早前孖住老公錢嘉樂欣賞鄭敬基與李逸朗的音樂會，其間盈盈不顧有身孕聞歌起舞。

鄭敬基嗌咪跳

錢氏夫婦上月特登去迪士尼為囡囡搞了一個大型生日派對。

眾星齊犯禁

大肚婆向來禁忌多，不過娛圈中人有好多都係鬼妹仔性格，唔戒口、染髮甚至穿高踭鞋，完全百無禁忌。

陳茵媺　頻撲旅行

陳茵媺為人鬼妹仔，去年 9月，已懷孕三個半月的她繼續着高踭鞋出活動，又孭住大仔周圍去。佗 B期間繼續同老公陳豪舟車勞頓飛去馬爾代夫嘆世界，簡直視大肚禁忌如無物。

張新悅　爬高髹漆

去年張新悅佗 B期間被影到食榴槤，更爬高髹漆，犯了大肚婆禁忌。事後張新悅表示：「自己冇禁忌，食完榴槤可食山竹、西瓜陰陽協調，髹漆就當運動。」

李嘉欣　照染頭髮

10年李嘉欣佗 B出席活動，但她不但手手腳腳都搽指甲油，亦照染頭髮。有指甲油嘅水銀同重金屬會影響胎兒發育，至於染髮就連好多染髮用品都會在說明書列明建議大肚婆唔好使用。

梁詠琪　着 3吋踭

去年 11月 Gigi到中環出席一個公開活動，當時已經懷胎 5個月的她，依然着住對 3吋高踭鞋現身，完全唔驚仆親，果然藝高人膽大。

鍾意就快D Share啦！

下一篇 》