全城熱爆的娛樂八封新聞 & 時事趣聞 & 生活 + 趣聞
媽咪姐好記得有個電視廣告講 1個失明女仔教大家跳「開心舞」，好鬼正能量。估唔到呢日睇鄭伊健同鄭中基、何超儀等等宣傳新片，竟然重拾番呢種感覺！
話說身為男主角嘅伊麵，為咗令個首映開心啲，提議即場唱主題曲〈全力扣殺〉嗰陣，揈埋啦啦球跳舞，搞下氣氛。媽咪姐知道佢哋係臨開場前先排咗 15分鐘，不過上到台，個個都跳得幾好噃！只係伊麵就……嘩哈哈！錯晒囉。隔籬嘅鄭中基忍唔住提水，佢先跳番啱咋。不過你睇伊麵個樣幾 happy！ 47歲嘅大細路，真係 cute呀。
個個都知道唱到「全力扣殺」時，草球左右兩邊揈，點知出主意嘅伊健就向上揈，鄭中基見佢完全做錯晒，即時提水。
之後，伊麵終於跳啱，開晒口！
鄭中基做訪問時，着晒開胸恤衫嘅超儀問佢望乜？佢竟然樣衰衰咁話：「個波嚟㗎咩？」曳曳嘞你，教壞仔女呀！
