掃呢頁CODE去手機

2015年5月15日 星期五

父女戀有冇好收場? [忽然1周 - 1033] MW,



靚抽王

父女戀有冇好收場?

陳凱琳同鄭嘉穎拍大台劇《殭》,拍到擦出愛火花,近日兩人都承認呢段感情有發展空間。不過大眾就有不同睇法,有人覺得靚仔靚女非常夾,又有人認為兩者年齡足足有 22年差距,未必順利。咁究竟父女戀係唔係必定唔得先?今次就同大家分析吓父女戀呢個 topic!睇吓我哋呢啲老人家有冇雞會化身老牛,吃一吃嫩草先!










Part One往績論成敗

抽水還抽水,好多嘢係睇往績同數據嘅,我哋歸納番呢 3對有 10年以上差距嘅 sample,發現……

何傲兒×林建名(相差 51年)

收場:失敗

解說:初時喺馬場相會又盛,大家都好睇好,但係青春無敵嘅何傲兒最終都揀番後生仔周子揚,搞到林伯老淚縱橫喊豬慘慘。

周杰倫×昆凌(相差 14年)

收場:成功

解說:事業如日方中嘅周董去年娶昆凌,結束其花花公子生活,係好突然,不過以佢嘅性格,分分合合可以來得好快。

黎明×樂基兒(相差 14年)

收場:失敗

解說: 2008年結婚, 2012年離婚,頂咗 4年金句,樂基兒都算係了不起,難得冇心理陰影仲識出嚟蒲。

結論:似乎係失敗居多,而唯一嘅成功例子,都有「若然未報,時辰未到」嘅感覺!

Part Two 客觀優劣

嗱,如果往績等於一切,咁啲賭徒刨完馬經就一定贏到錢所以話,往績有時唔代表係乜嘅。我哋嘗試列出父女戀客觀上有咩優劣:



男方有富爸爸咁嘅年齡,較易有富爸爸嘅財富

男方思想較成熟,可以教女方做功課(或做戲/做人都得)

男方年紀愈老,女方分到身家嘅可能性愈高



女方仲有大把青春,較易出軌

兩人易以性格不合(實則係年齡導致思想差距)之理由分手

由於男方有身家分,所以分手可以係女方出路之一

講到尾,如果你係富爸爸,就有錢使得囡囡 more;如果你係窮爸爸,邊個會肯做你囡囡?不要傻豬

荒謬現象學

每期荒謬現象學為你解構娛圈嘅不尋常現象!

鍾意就快D Share啦!