掃呢頁CODE去手機

2015年5月15日 星期五

楊冪疑似迷姦片流出 劉丹話撞樣 [忽然1周 - 1033] 楊冪,劉丹,MW,



網友話女受害人左肩鎖骨明顯有一粒痣,而楊冪係冇㗎!

媽咪姐

楊冪疑似迷姦片流出 劉丹話撞樣

唉!女仔俾人落迷藥,然後……已經夠慘慘豬㗎仲有傳女主角係人妻兼人母楊冪?不過媽咪姐證實咗,近日網上瘋傳疑似楊冪被迷姦片純屬流料,學佢老爺劉丹話齋:「好多人跟楊冪個樣整容㗎!」片中女受害人嘅側面,真係有幾分似楊冪,但受害人嘅左邊鎖骨上有粒痣,而楊冪就明顯冇喇。加上受害人嘅腹部好光滑,但楊冪剖腹生完小糯米之後,肚皮上應該留有疤痕。大家明晒










周三( 13日)下晝,楊冪嘅工作室已經發聲明澄清佢唔係受害人,仲話如果再有人發出虛假訊息,佢哋會追究法律責任!

神通廣大嘅網友,亦懷疑呢條影片同舊年喺溫州發生嘅一宗迷姦勒索案有關,受害人叫「阿琳」,被周姓男子迷姦完仲要被勒索 20萬人仔。所以話女仔都真係要好好保護自己呀!

雖然有疑似迷姦片出現,但趕緊劇嘅楊冪,心情冇被影響,好專業呀!

網上流傳話呢單迷姦案喺上年 6月發生,涉案周姓男子已被拘捕。

丹爺又冇講錯,媽咪姐求其喺網上都搵到個「男版楊冪」。但呢單嘢搞到丹爺好煩,所以佢喺周三( 13日)下午,冇再接電話,睇嚟唔想再回應。

真係佛都有火呀!媽咪姐撐你㗎!

鍾意就快D Share啦!