年紀輕輕嘅 Harvey對股票咁有研究，不過就冇打算從事金融，「我想用賺到嘅錢做生意，做咩生意就仲 plan緊！」
U Spy
月賺 10萬樹仁股神：畀到居屋首期
晚晚煲《大時代》，搞到個個股民癲晒，咩股都買，希望賺番筆。今年全港大專模擬證券投資比賽季軍嘅劉勝鈞（ Harvey），淨係呢個月已賺 10幾萬，「我𠵱家 20歲，已經畀得起居屋首期！」即係有過 50萬儲蓄喇。
讀緊樹仁 BBA Yr.1嘅 Harvey，爸爸做塑膠原料生意，細個就教佢咩係股票，小五已幫佢開股票戶口教佢投資，真係贏在起跑線！不過 Harvey堅係有啲料，中一開始靠股票賺錢養自己，冇問屋企攞錢，「最威水係七年前預測燃氣需求增加，入咗中國燃氣（ 384），我 1.69入， 4.4沽，賺咗 12萬！三年前預期中國汔車需求會隨經濟迅速增長而增加，所以入咗汽車股華晨中國（ 1114） 0.89入， 2.3沽，賺咗 8萬蚊！」
Harvey雖然密密賺，不過份人好低調，平時 Harvey都會袋定幾個冧把，因為同學一見到佢都會問佢貼士，佢都坦白話，「有時上堂會不斷睇手機𥄫住個市，唔係點聽書，呢排如果承受能力高啲可以睇吓中航工業（ 232）， 232係軍工股，中國軍力持續擴張，軍費增加，要買武器，所以個人幾睇好呢隻股。」
等 Spy學主播林芷彤話：「投資涉及風險，價格可升可跌。」大家都係小心
|
鍾意就快D Share啦！
|
|
|
