硬招唔見效，周嘉儀轉用軟功，離開大台時，扭許方輝請食farewell飯，但對方依然無動於衷。
縱然自己喺公司人緣普通，但部門之內，仍有一班觀音兵追隨，離職之際，有人提議同佢食farewell飯，周嘉儀竟然主動開口，話叫埋許方輝。
有無綫新聞部同事透露，班觀音兵聽到都O晒嘴，因為許生不嬲都唔同同事social，兩個之前又有嘢，冇人敢開口。除咗放風搵人嗌埋許方輝食farewell飯外，據知周嘉儀亦親力親為，WhatsApp扭對方請食farewell飯，但許方輝依然無動於衷。
前度唔受氹，於是好勝周嘉儀決定玩大佢！WhatsApp陳佩琳，送上問候。都係個句，寧得罪小人，莫得罪女人呀！
