2015年5月30日 星期六

十日抱兩 齊人洗米華呻煩 洗米華,周焯華,





其他影片:>>






Mandy Lieu同洗米華(周焯華)正印陳慧玲嘅「爭奪戰」越演越激烈。早前Mandy搶閘喺520(5月20日)於倫敦誕下B女,而今日洗米華正日牛一,華嫂亦都喺養和醫院順利誕下B女喇!不過有報導指,十日抱兩嘅洗米華喺開心嘅同時,亦都覺得好煩,仲不停向華嫂懺悔呀!

有報導指,今次華嫂被Mandy搶閘生B,有唔少朋友都開聲戥佢唔抵,不過華嫂自己似乎就好睇得開啦,回應話每人只需為自己人生負責同交代,仲話佢哋嘅家事自己會處理。

據知情人士透露,華嫂睇到Mandy倫敦生女單新聞後,心情都好平靜。相反,洗米華就覺得好煩啦,據知洗米華喺報導出咗後,都不停求華嫂原諒,又向華嫂懺悔添。

睇嚟洗米華今次呢個齊人之福都真係唔易享啦,不過,洗米華其實都知華嫂要求好簡單,所以洗米華都好識做,好多時出席公開活動都拖實華嫂,俾足面佢。而洗米華嘅爸爸同家姐都企喺華嫂嗰邊撐佢,喺周家嘅地位咁穩陣,唔怪得華嫂可以輕鬆面對Mandy嘅攻勢啦。
鍾意就快D Share啦!
Related Posts Plugin for WordPress, Blogger...