真係峰迴路轉，之前有傳洗米嫂呢胎係仔，仲話洗米華十日內湊成一個「好」字，不過據知洗米嫂同Mandy呢胎都係女。
今日有報道指洗米嫂於凌晨時份已經開刀生女，洗米華全程陪同在側，成晚冇瞓。本報收到消息，指洗米嫂已於今早平安誕下7磅女兒。連夜照顧老婆嘅洗米華於今午十二點左右離開養和，應是回家小休。至下午點半左右，洗米華父親趕到醫院探B，洗米華家姐亦有陪同。探完B之後，洗米華家姐離開醫院時笑晒，但就未有發言。
而洗米嫂媽媽就喺下午3點左右離開醫院，應該就係啱啱探完阿女，見佢走嘅時候笑晒咁，不過就冇受訪。
而洗米嫂生咗嘅消息一出，陳山聰嘅阿嫂就喺facebook貼咗一束花，祝福洗米嫂母女平安，佢話：「恭喜好姊妹，母女平安。」
| 資料圖片 |  (採訪、攝影：羅慧敏、徐錦池、陳俊強) |  洗米華家姐離開醫院時笑晒。 |
 |  陳山聰嘅阿嫂就喺facebook貼咗一束花。(facebook圖片) |  洗米嫂媽媽就喺下午3點左右離開醫院。 |
|
鍾意就快D Share啦！
|
|
|
