現年33歲嘅范冰冰(范爺)早前有內地報道傳佢狠飛李治廷後，戀上《武媚娘傳奇》演將軍嘅李晨，更有傳李晨已向范爺送鑽戒兼跪地求婚，范爺亦見過家長，預計今年6月結婚，今年范爺情人節當晚仲李晨喺酒店蜜會團聚慶祝，不過，雙方一直未有承認戀情。
李晨今日喺微博貼出佢同冰冰嘅二人合照，二人均著白色情侶裝，李晨更留言：「我們。」似乎暗示佢哋係一對，話晒范爺今年過埋生日就34歲，早已踏入適婚年齡，公開戀情都好正常，唔少fans都祝福佢哋，回覆指「祝福冰冰和晨哥」、「終於等到了」、「恭喜恭喜啊，最喜歡你了，終於在一起了」。
